Vyjazdžać za miežy Mytnaha sajuza na aŭtamabili ź Biełarusi ciapier možna adzin raz u vosiem dzion. Heta praduhledžana pastanovaj Saŭmina Biełarusi ad 18 listapada 2011 hoda № 1554.

Dakumientam unosiacca źmianieńni ŭ pastanovu Savieta Ministraŭ ad 10 červienia 2011 hoda № 753 «Ab niekatorych pytańniach rehulavańnia vyvazu aŭtamabilnaha paliva z terytoryi Respubliki Biełaruś». Novaja pastanova pryniata dla ŭzmacnieńnia zachadaŭ pa abmiežavańni vyvazu z krainy aŭtamabilnaha paliva i stabilizacyi abstanoŭki ŭ punktach propusku praź dziaržmiažu Biełarusi.

Da tavaraŭ dla asabistaha karystańnia, jakija vyvoziacca z terytoryi Biełarusi fizičnymi asobami za miežy mytnaj terytoryi Mytnaha sajuza, nie adnosicca aŭtamabilnaje paliva ŭ vypadkach: vyjezdu fizičnaj asoby, jakaja kiruje aŭtamabilnym transpartnym srodkam, bolš za adzin raz na praciahu 8 sutak; vyvazu aŭtamabilnaha paliva adnym i tym ža aŭtamabilnym transpartnym srodkam bolš za adzin raz na praciahu 8 sutak niezaležna ad taho, jakimi asobami byŭ ažyćcioŭleny vyvaz takoha aŭtamabilnaha transpartnaha srodka ŭ hety pieryjad.

Dziejańnie hetaha pałažeńnia pastanovy nie raspaŭsiudžvajecca
na supracoŭnikaŭ dypłamatyčnych pradstaŭnictvaŭ, konsulskich ustanoŭ, mižnarodnych arhanizacyj, pradstaŭnictvaŭ hetych arhanizacyj i členaŭ ich siemjaŭ — pry pradjaŭleńni dypłamatyčnych (słužbovych) pašpartoŭ abo inšych dakumientaŭ, jakija paćviardžajuć ich status. Nie zakranuć abmiežavalnyja miery i fizičnych asob, jakija pracujuć u dziaržaŭnych orhanach i inšych dziaržaŭnych arhanizacyjach, a taksama vajennasłužačych, asob načalnickaha i radavoha składu Śledčaha kamiteta, orhanaŭ unutranych spraŭ, orhanaŭ i padraździaleńniaŭ pa nadzvyčajnych situacyjach, orhanaŭ finansavych rasśledavańniaŭ, jakija nakiroŭvajucca ŭ słužbovyja kamandziroŭki za miažu (pry pradjaŭleńni vypisak z rašeńniaŭ adpaviednych orhanaŭ (arhanizacyj) i (abo) kamandzirovačnych paśviedčańniaŭ, vydadzienych hetymi orhanami (arhanizacyjami). Abmiežavalnyja miery taksama nie raspaŭsiudžvajucca na rabotnikaŭ dziaržaŭnych arhanizacyj dziaržaŭ — členaŭ Mytnaha sajuza, raźmieščanych na terytoryi zamiežnych dziaržaŭ, vadzicielaŭ aŭtatranspartnych srodkaŭ, jakija ažyćciaŭlajuć mižnarodnyja pieravozki pasažyraŭ, rabotnikaŭ jurydyčnych asob, a taksama inšych fizičnych asob pry najaŭnaści ŭvažlivych pryčyn u adpaviednaści z pryniatym Dziaržaŭnym pahraničnym kamitetam i Dziaržaŭnym mytnym kamitetam rašeńniem.
Ministerstvu ŭnutranych spraŭ daručana pryniać dziejsnyja miery pa
niedapuščeńni parušeńniaŭ pravił darožnaha ruchu i hramadskaha paradku na terytoryjach, prylehłych da aŭtadarožnych punktaŭ propusku praź dziaržaŭnuju hranicu Biełarusi, zabiaśpiečyć pastajannaje patrulavańnie stajanak aŭtatranspartu, što vyjazdžaje z krainy.

Ministerstva transpartu i kamunikacyj sumiesna ź Ministerstvam unutranych spraŭ, Dziaržaŭnym pahraničnym kamitetam, abłvykankamami pavinna abstalavać stajanki pierad aŭtadarožnymi punktami propusku praź dziaržhranicu Biełarusi, pašyryć padjaznyja šlachi da ich, vydzielić śpiecyjalny kalidor dla transpartnych srodkaŭ hramadzian krain Mytnaha sajuza, zabiaśpiečyć ustanoŭku dadatkovych darožnych znakaŭ pablizu nazvanych punktaŭ, jakija vyznačajuć napramki (pałosy) ruchu transpartnych srodkaŭ, nieabchodnych zabaronnych (pradpisalnych) znakaŭ i darožnaj raźmietki.

Biełaruskamu dziaržaŭnamu kancernu pa nafcie i chimii daručana pryniać miery pa abmiežavańni prodažu aŭtamabilnaha paliva (nie bolš za 200 ł na adzin hruzavy transpartny srodak) na aŭtazapravačnych stancyjach, raźmieščanych na pryhraničnaj terytoryi.

Pastanova ŭstupaje ŭ siłu praz try dni paśla jaje aficyjnaha apublikavańnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?