Prakuraturaj Centralnaha rajona Minska raspačataja kryminalnaja sprava ŭ dačynieńni da słužbovych asob ZAT «Invastrojmontaž». Im inkryminujecca pryčynieńnie dvum zakazčykam škody ŭ pamiery kala 2,8 młrd rubloŭ.
Pavodle dadzienych pravaachoŭnych orhanaŭ, słužbovyja asoby ZAT «Invastrojmontaž» pieraličyli hetuju sumu na rachunki šerahu kamiercyjnych struktur u jakaści apłaty za pastaŭki budaŭničych materyjałaŭ. Pry hetym, jak ličać śledčyja, pieraličvajučy srodki, padazravanyja ŭśviedamlali, što nijakaj adhruzki apłačanych materyjałaŭ faktyčna pravodzicca nie budzie. U vyniku hetych dziejańniaŭ škoda była naniesienaja KUP «UKB Centralnaha rajona h. Minska» i ŽBVK «Abaronca». Apošni, darečy, užo prachodzić paciarpiełym pa skandalnaj spravie AAT «Trest Biełstromramont» Ministerstva architektury i budaŭnictva.
Pa fakcie pryčynieńnia škody dvuch zakazčykam u dačynieńni da słužbovych asob ZAT «Invastrojmontaž» raspačataja kryminalnaja sprava pa prykmietach ździajśnieńnia imi złačynstva, praduhledžanaha č.2 st.216 Kryminalnaha kodeksa Biełarusi (pryčynieńnie majomasnaj škody biez prykmietaŭ kradziažu hrupaj asob pa papiaredniaj zmovie abo ŭ bujnym pamiery). Viadziecca śledstva.
