Dla ŭdziełu ŭ nacyjanalnym adboračnym tury mižnarodnaha konkursu pieśni«Jeŭrabačańnie-2012» padali zajaŭki vykanaŭcy nie tolki ź Biełarusi, ale z Rasii, Bielhii, Isłandyi, paviedamiŭ 22 listapada na pasiadžeńni kruhłaha stała «Viartańnie „JeŭraFesta“: praviły adboru» kiraŭnik prajekta Alaksandr Cichanovič.
Nahadajem, sioleta prava vyznačać udzielnika Biełarusi na «Jeŭrabačańni» viarnułasia da Biełteleradyjokampanii. Dva apošnija hady adboram da jeŭrapiejskaha konkursu pieśni zajmaŭsia kanał ONT, jaki atrymaŭ hetaje prava paśla skandału ź Piatrom Jałfimavym na
Vykanaŭčy pradziusar telekanała
«Kožny hramadzianin Respubliki Biełaruś, zamiežny hramadzianin i asoba biez hramadzianstva, jakaja pastajanna žyvie ŭ Biełarusi, majuć prava padać zajaŭku ŭ jakaści vykanaŭcy, i absalutna luby hramadzianin luboj dziaržavy moža padać zajaŭku na ŭdzieł u jakaści aŭtara», — skazaŭ jon.
Zajaŭki prymajucca da 25 listapada ŭklučna(data budzie vyznačacca pa paštovym štampie). Achvotnyja pavinny kaštoŭnaj banderollu prysłać zajaŭku z pamietkaj «Prajekt «JeŭraFest» u adras Biełteleradyjokampanii (220807 Minsk, vuł. Makajonka, 9).
Prasłuchoŭvańnie projdzie ŭ pačatku śniežnia.Pa jaho vynikach budzie adabrana 15 udzielnikaŭ paŭfinału, jaki adbudziecca 21 śniežnia i budzie tranślavacca ŭ pramym efiry na kanale
Pavodle słoŭ Baranava, hetym razam padadziena mienš zajavak, čym u papiarednija hady, ale jakaść vykanaŭcaŭ vyšejšaja. «Mahu skazać, što sioleta, vierahodniej za ŭsio, udzielnikaŭ „Jeŭrafesta“ budzie mienš, ale ich jakasny ŭzrovień peŭna raście», — zhodny ź im Cichanovič.
Dakładnuju kolkaść padadzienych zajavak arhanizatary adboru pakul nie raskryvajuć, zaŭvažajučy, što tradycyjna jašče davoli šmat pryjdzie ŭ samy apošni dzień.
Arhanizatary zajaŭlajuć, što najpierš buduć vybirać vykanaŭcu.I kali jaho vakalnyja danyja ŭsich zadavolać, ale ŭzrovień pieśni budzie niedastatkovym, to jamu prapanujuć vybrać inšuju kampazicyju. Mianiać abo karektavać numar i pieśniu možna da finału.
Arhanizatary zajaŭlajuć, što nie robiać staŭku na viadomych vykanaŭcaŭ abo absalutna novyja imiony. U toj ža čas, na dumku Cichanoviča, prafiesijny artyst z vopytam zmoža lepš pradstavić Biełaruś na mižnarodnym konkursie. «Heta vielmi žorstki konkurs. Heta pot i ślozy. U finale prosta vałasy dybam ustajuć ad napružańnia. I čałaviek, jaki staić na scenie, prymaje ŭvieś hety ŭdar na siabie. Chtości vytrymlivaje, a chtości hublaje aryjentacyju
Akramia taho, zaŭvažyŭ Cichanovič, biełarusam varta być bolš dobrazyčlivymi da muzykantaŭ, jakija pradstaŭlajuć krainu na «Jeŭrabačańni». «Chaciełasia b, kab hledačy stavilisia ź luboŭju da svajho vykanaŭcy. Važna, kab kraina, jakuju my pradstaŭlajem, nie haniła nas. Nielha havaryć, što našy ŭvieś čas kiepskija. U nas bahataja estradnaja škoła, biełaruskija vykanaŭcy stanavilisia pieramožcami i rasijskaj „Fabryki zorak“, i „Narodnaha artysta“, u nas jość kalektyvy, jakimi nacyja moža hanarycca. Nielha ž uvieś čas hanić», — skazaŭ kiraŭnik prajekta.
