Minskija pravaachoŭniki vyśviatlajuć pryčyny vybuchu, jaki adbyŭsia ŭ haražnym kaapieratyvie mikrarajona Masiukoŭščyna.Na miescy zdareńnia pracujuć vyratavalniki, milicyja, kinołahi. Idzie razbor zavałaŭ. Ad haražoŭ zastalisia cahliny. Pryčym ścianu, jakaja stajała tut, adniesła na 15 m.
Miarkujecca, što vybuch prahrymieŭ u siarednim haražy. Ad jaho i ad susiednich ničoha nie zastałosia. Ścieny čaćviortaha taksama ledź trymajucca. Ratavalniki ich umacavali.
Tolki b biez achviar — heta jašče i jašče raz paŭtarajuć vidavočcy. Jany i vyklikali ratavalnikaŭ.
Vidavočca:
— Pačuli mocny vybuch. A dalej pajšoŭ dym. Pažarniki pryjechali vielmi chutka. Bačyŭ tolki ŭładalnika «BMV», jaki siadzieŭ na kukiškach i trymaŭsia za hałavu.
Na miesca nadzvyčajnaha zdareńnia chutka prybyli ratavalniki. Pažar patušyli adrazu.
Adzinaha paciarpiełaha chutkaja dastaviła ŭ balnicu. Žyćciu
Sam paciarpieły ŭ śviadomaści. Pa prafiesii — skulptar i ŭ haražy zajmaŭsia padrychtoŭkaj. Chacieŭ zrabić skulpturu muzyki. Ci vierniecca da tvorčaści adrazu, nie ŭpeŭnieny.
— Ja bałharkaj rezaŭ mietał, i ŭ hety momant mianie paciahnuła niekudy ŭbok chvalaj pavietra. Kali padniaŭsia, haražoŭ nie było.
A tym časam na miescy zdareńnia dali kamandu «Cišynia». Pracujuć sabaki.
Nie vyklučana, što pad zavałami jašče mohuć być ludzi. Adna bryhada padymaje aŭtamabil. Viadoma, što pad im sklep. Tudy adrazu adpraŭlajuć sabaku i śpiecyjalnuju techniku, jakaja fiksuje najmienšyja ruchi. Tak budzie da poźniaha viečara.
Vital Demboŭski, pamočnik načalnika Minskaha haradskoha ŭpraŭleńnia MNS:
— Pakul nie budzie adnaznačna viadoma, što bolš paciarpiełych niama, našy padraździaleńni ź miesca nie źjeduć.
Na miescy zdareńnia ŭžo pracujuć śledčyja. Im treba budzie znajści hałoŭny adkaz: što
