Hałoŭny trenier zbornaj Uelsa skončyŭ žyćcio samahubstvam

Hary (Hery) Śpid byŭ znojdzieny ranicaj u niadzielu ŭ svaim domie ŭ Ałdford Roŭd (Chantynhtan) paviešanym. Śladoŭ hvałtoŭnaj śmierci na ciele 42-hadovaha śpiecyjalista nie vyjaŭlena.

Hary Śpid byŭ adnym z samych viadomych valijskich futbalistaŭ (centralny paŭabaronca), Hulaŭ za «Lids», ź jakim staŭ u 1992 h. čempijonam Anhlii, «Eviertan», «Ńjukasł», «Bołtan», «Šefiłd». Karjeru hulca zaviaršyŭ u 2010 h.

Za zasłuhi ŭ futbole ŭ 2010 h. byŭ ŭznaharodžany Ordenam Brytanskaj Impieryi.

Za zbornuju Uelsa pravioŭ 85 matčaŭ (z 1990 pa 2004 h.), doŭhi čas byŭ jaje kapitanam. Pryjazdžaŭ sa zbornaj Uelsa ŭ Minsk: 2 vieraśnia 2000 h. u matčy suprać Biełarusi (hał. trenier — Eduard Małafiejeŭ) zabiŭ hoł na 90-j chvilinie (2:1).

U 2010 h. Śpid staŭ treniravać «Šefiłd» (z druhoha dyvizijona), a ŭ śniežni taho ž hoda staŭ hałoŭnym trenieram zbornaj,

ale turnir valijcy praviali nie vielmi, finišavaŭšy na pieradapošnim 4-m miescy (śledam za Anhlijaj, Čarnahoryjaj i Šviejcaryjaj, i apiaredziŭšy Bałharyju). Praŭda, pad kiraŭnictvam Śpida zbornaja ŭ 10 hulniach (uklučna z tavaryskimi) pieramahła ŭ 5 matčach.

Niadaŭna trenier zajaviŭ: «My prasunulisia dalej, čym mnie zdavałasia mahčymym za hety čas, ale ŭ nas jašče šmat pracy napieradzie», dadaje Bi-Bi-Si.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH