Umovy adnaŭleńnia dyjałohu Jeŭrasajuza i Biełarusi nie źmianilisia — heta vyzvaleńnie i reabilitacyja ŭsich palitźniavolenych i ludziej, jakija trapili pad sudovyja pracesy pa spravie 19 śniežnia 2010 hoda. Takuju zajavu zrabiŭ 22 śniežnia na
Dypłamat padkreśliŭ, što ŭ palityčnych pytańniach u stasunkach ź Biełaruśsiu za čas polskaha staršynstva ŭ ES pośpiechaŭ dasiahnuta nie było. «Stanovišča nie zanadta źmianiłasia z taho momantu, jak my pačali staršynstva (1 lipienia 2011 hoda), — skazaŭ Šarepka. —
Byŭ pieryjad, kali padałosia, što na biełaruskija ŭłady paŭpłyvali našy arhumienty, i jany pačali vypuskać palitźniavolenych, ale zaraz praces spyniŭsia».
Šarepka nahadaŭ, što Biełaruś admoviłasia ad udziełu ŭ samicie Uschodniaha partniorstva, jaki prachodziŭ u Varšavie ŭ kancy vieraśnia. Aprača taho, zaznačyŭ dypłamat, biełaruski bok tarmozić uviadzieńnie ŭ dziejańnie pahadnieńnia ab pryhraničnym ruchu nasielnictva, jakoje Polšča ratyfikavała jašče bolš jak hod tamu.
«U červieni my taksama znoŭ abnarodavali prapanovu pačać pieramovy ab spraščeńni vizavaha režymu pamiž Biełaruśsiu i Jeŭrasajuzam. Aficyjny adkaz my tak i nie atrymali. Nieaficyjna ž nam adnym z čynoŭnikaŭ było skazana, što heta pytańnie nie źjaŭlajecca pryjarytetam dla biełaruskaha boku», — skazaŭ Šarepka. Jon padkreśliŭ, što dla susiednich ź Biełaruśsiu Rasii i Ukrainy heta pytańnie było pryjarytetnym, i zaraz hramadzianie hetych krain płaciać za šenhienskuju vizu 35 jeŭra.
«A ŭ Biełarusi, vidać, bahatyja ludzi, jakija mohuć płacić 60 jeŭra za takuju vizu», — zaznačyŭ pasoł.
Jon padkreśliŭ, što padčas svajho staršynstva ŭ Jeŭrasajuzie Polšča rabiła ŭsio, kab biełaruskaje pytańnie znachodziłasia ŭ centry ŭvahi ES, a taksama starałasia aktyŭna padtrymlivać dyjałoh z hramadzianskaj supolnaściu Biełarusi.
1 studzienia 2012 hoda staršynstva ŭ Jeŭrasajuzie pierachodzić da Danii. Jak udakładniła kiraŭnik pradstaŭnictva ES u Biełarusi Majra Mora, jakaja prysutničała na
