Adpačynak pa maciarynstvie ŭ krainach Bałtyi: pieršy hod kampiensujecca 100% zarobku 1

Samy doŭhi adpačynak pa maciarynstvie ŭ krainach Bałtyi ciapier u Estonii — 140 dzion, u Łatvii — 112 dzion, a ŭ Litvie — 126 dzion, paviedamlaje delfi.lt.

Akramia hetaha, u Łatvii žančynie, jakaja da 12 tydnia ciažarnaści pačała i ŭvieś pieryjad praciahvała abśledavacca ŭ lačebnaj ustanovie, dadatkova kampiensujecca 14 dzion. Tamu adpačynak pa maciarynstvie ŭ Łatvii składaje 126 dzion.

Adpačynak pa maciarynstvie ŭ Litvie, Łatvii i Estonii apłačvajecca adnolkava. Roźnica — u nieabchodnym stažy pracy. U Litvie žančynam, jakija žadajuć atrymać vypłatu, nieabchodny staž 12 miesiacaŭ za apošnija 24 miesiacy, u Łatvii — 6 miesiacaŭ, u Estonii — 3 miesiacy.

U Litvie, Łatvii i Estonii adpačynak pa maciarynstvie kampiensujecca poŭnym zarobkam.

U Litvie baćki mohuć vybirać z dvuch varyjantaŭ: praciahły dohlad za dziciom doma abo rańniaje viartańnie na pracu. Adpačynak pa dohladzie za dziciem praciahłaściu ŭ adzin hod kampiensujecca na 100%.

Kali baćki vybirajuć adpačynak, pakul dziciaci spoŭnicca dva hady, u pieršy hod jany atrymlivajuć 70%, a ŭ druhi — 40% byłoha zarobku, ale nie abmiažoŭvajecca mahčymaść pracavać.

U Łatvii ŭ pieršy hod dohladu za dziciem vypłačvajecca 100% byłoha zarobku. Paźniej, z adnaho da paŭtara hoda, vypłačvajecca štomiesiačnaja vypłata pamieram 30 łataŭ (50 dalaraŭ).

U Estonii da paŭtara hoda kampiensujecca 100% byłoha zarobku. Z paŭtary da troch hadoŭ — vypłata pamieram €38.

Schiemy adpačynku tataŭ u troch krainach taksama adroźnivajucca.

U Łatvii i Estonii pieryjad adpačynku taty składaje ŭsiaho 10 dzion, u Litvie — miesiac. Akramia hetaha, u hety miesiac kampiensujecca 100% byłoha zarobku.

U Łatvii za 10-dzionny adpačynak kampiensujecca 80% byłoha zarobku, u Estonii z 2009 hoda vyrašana naohuł nie kampiensavać. Heta značyć, u hetaj krainie ŭ tataŭ samyja horšyja ŭmovy.

***

Što da Biełarusi, to pa stanie na 30 studzienia adnarazovaja dapamoha ŭ suviazi z naradžeńniem dzicia ŭ Biełarusi składała 5 młn 747 tysiač 900 rubloŭ, adnarazovaja dapamoha pry naradžeńni druhoha i nastupnych dziaciej składaje 8 młn 47 060 rubloŭ, štomiesiačnaja dapamoha dla dziaciej da troch hadoŭ — 574 790, adnarazovaja dapamoha dla žančyny, što stała na ŭlik da 12-tydnia ciažarnaści — 574 790.

Z 1 lutaha hetyja vypłaty vyrastuć na 23%, tak štomiesiačnaja dapamoha dla dziaciej da troch hadoŭ vyraście da 706 tys. rubloŭ 880 rubloŭ.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH