Jak paviedamili rasijskaj haziecie «Kommiersant» krynicy, znajomyja z chodam mižuradavych pieramovaŭ pamiž Maskvoj i Minskam, 3 krasavika departamient pa avijacyi ministerstva transpartu i kamunikacyj Biełarusi nakiravaŭ u Mintrans i Rasavijacyju ŭltymatyŭny list. U im havorycca, što z 13 krasavika pamiž Maskvoj i Minskam mohuć vykonvacca tolki čatyry rejsy ŭ dzień z kožnaha boku. Ciapier rasijskija avijakampanii vykonvajuć 5 rejsaŭ u dzień.
Na dumku ekśpiertaŭ, šlacham uviadzieńnia novych rejsaŭ rasijskija kampanii dempinhavym šlacham padryvajuć finansavy stan biełaruskaj kampanii «Biełavija». U vyniku izalavanaha charaktaru biełaruskaha režymu ŭ Biełaruś lotaje mała rejsaŭ, a jak pasažyrski pieravozčyk «Biełavija» zastajecca adnoj z najmienšych kampanij Jeŭropy.
