U Oršy (Viciebskaja vobłaść) pavodle padazreńnia ŭ teraryźmie zatrymana aktyvistka hramadzianskaj kampanii «Naš dom» Taćciana Jakaŭleva.
Jak paviedamlaje sajt kampanii, supracoŭniki aršanskaj milicyi zatrymali Jakaŭlevu na aŭtavakzale, kudy jana prybyła ź Viciebska. Aktyvistku dastavili ŭ haradski adździeł milicyi. Milicyjaniery zajavili, što jana pieravozić tratył.
Jakaŭleva nakiroŭvałasia ŭ pasiołak Kochanava Tałačynskaha rajona, raźmieščany prykładna za 30 km ad Oršy, dzie siońnia pavinna prajści mierapryjemstva, arhanizavanaje aktyvistami kampanii, — dziciačyja spabornictvy pa rybnaj łoŭli i nievialiki pachod uzdoŭž miascovaj rečki Sakalanki. Jakaŭleva viezła flikiery i majki z łahatypam kampanii «Naš dom», jakija aktyvisty pavinny byli ŭručyć udzielnikam.
* * *
Nie vyjaviŭšy traciłu, milicyjanty zajavili, što Taćciana Jakaŭleva pieravozić zanadta bujnuju partyju tavaru (až 29 majek) biez adpaviednych dakumientaŭ. Jak adznačaje sajt kampanii, stali viadomyja imiony milicyjantaŭ: na aŭtavakzale Taćcianu Jakaŭlevu zatrymlivaŭ starejšy siaržant Valancin Chromaŭ. U haradskim adździele milicyi apytvaŭ major Uładzimir Vołkaŭ. Vynikovy rapart padpisali zusim inšyja milicyjanty - małodšyja siaržanty Aładki i Leanovič. U raparcie ni słova pra padazreńni ŭ teraryźmie niama.
***
Zatym Taćcianu Jakaŭlevu vyzvalili ź milicyi biez składańnia pratakoła. Firmiennuju pradukcyju milicyjaniery viarnuli.