Jak paviedamlaje sajt Ministerstva adukacyi Biełarusi, da VNU druhoha patoku adnosiacca vyšejšyja navučalnyja ŭstanovy dziaržaŭnaj i pryvatnaj form ułasnaści, za vyklučeńniem VNU MUS, MNS, ministerstvaŭ abarony i kultury.Abituryjenty pavinny padać u VNU try siertyfikaty centralizavanaha testavańnia abo dva, kali ŭ VNU budzie praviedzieny ŭnutrany ekzamien pa pradmiecie. Unutranyja ekzamieny čakajuć abituryjentaŭ tolki pa tvorčych dyscyplinach (malunak, muzyka, taniec, sačynieńnie i inšych), litaratury i fizičnaj kultury.
Pry pastupleńni na šerah śpiecyjalnaściaŭ treba mieć śpiecyjalnuju rekamiendacyju paśla prachodžańniaRazmova idzie pra śpiecyjalnaści «Dziaržaŭnaje kiravańnie», «Dziaržaŭnaje kiravańnie i prava», «Dziaržaŭnaje kiravańnie i ekanomika», «Mižnarodnyja adnosiny», «Mižnarodnaje prava», «Pravaznaŭstva», «Ekanamičnaje prava», «Žurnalistyka» (u tym liku, kali jana źjaŭlajecca dadatkovaj śpiecyjalnaściu), «Mižnarodnaja žurnalistyka» i «Mytnaja sprava».prafiesijna-psichałahičnaha sumoŭja.
Upieršyniu sioleta dakumienty ŭ VNU mohuć padavać pradstaŭniki niepaŭnaletnich abituryjentaŭ. U vypadku adsutnaści aryhinała pašparta abituryjenta pakazvajucca nataryjalna zaśviedčanyja ksierakopii staronak pašpartu.
Dakumienty možna padavać da 25 lipienia, na vajennyja fakultety — pa 23 lipienia.
Zaličeńnie abituryjentaŭ u VNU pa ŭsich formach atrymańnia adukacyi pravodzicca pa konkursie na asnovie ahulnaj sumy bałaŭ, padličanaj pa vynikach zdačy ŭstupnych vyprabavańniaŭ i siaredniaha bała dakumienta ab adukacyi.
Ad abituryjentaŭ, jakija vytrymali ŭstupnyja vyprabavańni, ale nie prajšli pa konkursie na dzionnuju biudžetnuju formu navučańnia, dla ŭdziełu ŭ konkursie ŭ hetaj ža VNU na zavočnuju i viačerniuju formy atrymańnia adukacyi za košt srodkaŭ biudžetu (akramia VNU sielskahaspadarčaha profilu) dakumienty buduć prymacca pa 2 žniŭnia.Ad abituryjentaŭ, jakija vytrymali ŭstupnyja vyprabavańni, dla ŭdziełu ŭ konkursie na dzionnuju, zavočnuju i viačerniuju formy atrymańnia adukacyi na ŭmovach apłaty — pa 4 žniŭnia.
Zaličeńnie pa raździelnym konkursie abituryjentaŭ — vypusknikoŭ haradskich sielskich ustanoŭ adukacyi budzie ažyćciaŭlacca tolki na biudžetnyja miescy. Zaličeńnie abituryjentaŭ na ŭmovach apłaty budzie prachodzić pa ahulnym konkursie.
Pryjomnyja kamisii VNU ŭ pieryjad pryjomu dakumientaŭ buduć pracavać z paniadziełka pa subotu z 9.00 da 18.00.Kali apošni dzień pryjomu dakumientaŭ, zdačy ŭstupnych vyprabavańniaŭ abo zaličeńnia abituryjentaŭ vypadzie na niadzielu, pryjomnyja kamisii pracujuć u hety dzień z 9.00 da 18.00. Pryjomnyja kamisii VNU «druhoha patoku» buduć pracavać u suboty — 21, 28 lipienia, 4 žniŭnia, adnu niadzielu — 29 lipienia (dla VNU, jakija ažyćciaŭlajuć praviadzieńnie ŭnutranych ekzamienaŭ).
U apošni dzień pryjomu dakumientaŭ infarmavańnie abituryjentaŭ ab chodzie pryjomu dakumientaŭ spyniajecca ŭ 15.00, dopusk abituryjentaŭ u budynak pryjomnaj kamisii — u 18.00.
