Va Ukrainie abviaścili ŭ vyšuk aŭtara satyryčnaha biłborda z babulaj i katom, paviedamlaje sajt Dnieprodzieržinsk ONLINE. Na biłbordzie, raźmieščanym u Dniepradziaržynsku, była vyjava babuli z katom na rukach i podpis «Daviedałasia, što ŭnuk hałasavaŭ za Rehijony, pierapisała chatu na kata».
Rehijony -- heta Partyja Rehijonaŭ na čale z prezidentam Janukovičam.
Fota biłborda z babulaj i katom chutka stała papularnym u internecie. Uśled za papularnaściu da stvaralnika satyryčnaj rekłamy pryjšli niepryjemnaści. Maksim Hałasnoj, hramadski aktyvist i staršynia adnaho ź miascovych sielsavietaŭ, abvieščany ŭ vyšuk. Častku nadpisu na skandalnym biłbordzie zamalavali, pakinuŭšy tolki pra chatu i kata.