Adzin ź lidaraŭ arhanizacyi «Małady front» (zarehistravana ŭ Čechii) Mikoła Dziemidzienka pakarany siońnia sudom Frunzienskaha rajona stalicy (sudździa Dźmitryj Łukaševič) na 7 sutak administracyjnaha aryštu.
Sud pryznaŭ vinavatym u łajancy. Dziemidzienka viny nie pryznaŭ, a nazvaŭ praces palityčnym, nakiravanym na toje,
kab izalavać jaho napiaredadni čarhovaha suda nad lidaram Maładoha frontu Źmitrom Daškievičam, kab nie dapuścić akcyjaŭ u padtrymku lidara MF.Sud nad Daškievičam pavinien prajści 28 žniŭnia.
Spravu ab brydkasłoŭi Dziemidzienka nazvaŭ paklopam i falsifikacyjaj.
Mikoła raspavioŭ, što zatrymali jaho ŭčora ŭ abied na vulicy kala jahonaha doma. Na jaho kinulisia adrazu 7 śpiecnazaŭcaŭ, schapili, ničoha nie patłumačyŭšy. Potym skłali pratakoł, što jon nibyta łajaŭsia, advieźli ŭ izalatar na Akreścina. Da viečara sierady Mikołu nie mahli znajści jahonyja siabry i pravaabaroncy.
0
0
0
0
0
0