U vybarčych kamisijach prachodziać rolevyja hulni, padčas jakich asablivaja ŭvaha nadajecca roli naziralnika pry padliku hałasoŭ. Pra heta paviedamiła staršynia Centrvybarkama Lidzija Jarmošyna 11 vieraśnia na
Jana adznačyła, što Centrvybarkam raspracavaŭ śpiecyjalnyja dapamožniki dla akruhovych i ŭčastkovych vybarčych kamisij, u jakich «u hulniavym varyjancie prosta dajecca adkaz na pytańnie».
U toj ža čas, adkazvajučy na pytańnie, ci zmohuć naziralniki bačyć pry padliku hałasoŭ, za jakoje proźvišča prahałasavaŭ vybarščyk, Jarmošyna adznačyła: «U dapamožnikach my takoje nikoli nie pišam — heta zanadta subjektyŭna».
U dapamožniku dla členaŭ učastkovych kamisij ukazana, što «naziralniki, jakija prysutničajuć pry padliku hałasoŭ, zajmajuć miescy, što dazvalajuć im nazirać za dziejańniami členaŭ učastkovaj kamisii, ale tak, kab nie stvarać pry hetym pieraškod ich pracy». Akramia taho, tam apisvajecca situacyja z udziełam naziralnika: «Naziralnik zajaviŭ, što znachodzicca daloka ad stała, na jakim padličvajucca biuleteni, nie bačyć pracesu padliku, tamu zaniaŭ miesca bližej da stała. Staršynia viarnuŭ naziralnika na raniejšaje miesca i papiaredziŭ, što vydalić z pamiaškańnia dla hałasavańnia, kali jon budzie padychodzić bližej. Naziralniki majuć prava nie tolki prysutničać pry padliku hałasoŭ, ale mieć realnuju mahčymaść nazirać praceduru padliku. Tamu staršynia kamisii nie maje prava ihnaravać takuju prośbu: jon pavinien ukazać naziralnikam miesca ich raźmiaščeńnia, jakoje dazvalaje ahladać padlik».
Jak paviedamlałasia raniej, pradstaŭniki CVK abiacali zabiaśpiečyć mahčymaść nazirańnia za praceduraj padliku hałasoŭ. «U CVK nas zapeŭnili, što našy naziralniki zmohuć svabodna nazirać za padlikam hałasoŭ», — paviedamiŭ BiełaPAN kiraŭnik doŭhaterminovaj misii Biuro pa demakratyčnych instytutach i pravach čałavieka ABSIE Antonia Miłašoski.
