Ułady sami padšturchoŭvajuć ludziej da bajkotu vybaraŭ, zajaviŭ 17 vieraśnia napres-kanfierencyi ŭ Minsku kaardynatar kampanii partyjnaha nazirańnia «Za spraviadlivyja vybary» Siarhiej Kalakin.
Jon adznačyŭ, što napiaredadni vybaraŭ «u nas praktyčna niama prapahandy taho, što vybary iduć». «Niama vialikaj infarmacyjnaj pracy. U minułyja hady była takaja praca, roliki krucili, vybary, zaŭtra hałasavańnie, pryjdzi, prahałasuj, nie zabudź… Ničoha padobnaha siońnia niama. Uźnikaje ŭražańnie, što naohuł niama vybarčaj kampanii, za vyklučeńniem tych vystupleńniaŭ, jakija advodziacca kandydatam u deputaty na telebačańni i radyjo», — skazaŭ Kalakin.
I kandydatam davodzicca tłumačyć, jakija ŭ nas vyraby, što adbyvajecca. I mnohija sapraŭdy kažuć, što na vybary nie pojduć», — adznačyŭ palityk.«Navat siońnia, kali kandydaty sustrakajucca ź ludźmi, za dzień da daterminovaha hałasavańnia, tyja zadajuć pytańnie: „Jakija vybary?“
Pavodle jaho słoŭ, u jaho jość adčuvańnie, što vybarščyki na ŭčastki dla hałasavańnia nie pryjduć.«Ale heta našy ŭražańni, adčuvańni, jany subjektyŭnyja. Ja bolš daviaraju sacyjałohii, jakaja jość, i pakul jana pakazvaje, što bolšaść, kala 70% nasielnictva, na vybary ŭsio ž pojdzie. Pahladzim, jak heta budzie», — skazaŭ Kalakin.
Jon padkreśliŭ, što nazirańnie za jaŭkaj vybarščykaŭ źjaŭlajecca adnym z asnoŭnych zadač kampanii «Za spraviadlivyja vybary». «Pa vynikach hetaha nazirańnia my zmožam skazać, pryjšoŭ narod na vybary ci nie», — padkreśliŭ palityk.
