Prezident Litvy prasiła budučaha ministra pahutaryć ź joj pa-anhlijsku

Rymantas Sinkiavičus

Kandydat ad sacyjał-demakrataŭ na pasadu ministra transpartu i kamunikacyj Litvy Rymantas Sinkiavičus śćviardžaje, što prezident Dala Hrybaŭskajcie na sustrečy ź im cikaviłasia, nakolki kandydat daśviedčany ŭ prablemach tranzitu i kamunikacyj u Litvie i Jeŭropie.

Taksama sacyjał-demakrat paćvierdziŭ, što prezident prasiła pahavaryć i pa-anhlijsku.

«Jana paprasiła pahavaryć pa-anhlijsku», — skazaŭ Sinkiavičus paśla sustrečy z Dalaj Hrybaŭskajcie.

Sinkiavičus pryznaŭ, što movy — heta taja śfiera, u jakoj zaŭsiody možna ŭdaskanalvacca.

Palityk trochi raspavioŭ pra sustreču, skazaŭ tolki, što jana była karotkaj i davoli kankretnaj. Jon śćviardžaŭ, što nie moža kamientavać svoj unutrany stan paśla sustrečy, tak jak nie viedaje, što dumaje prezident.

Na pytańnie, jakoje ŭražańnie pakinuła sustreča z prezidentam, Sinkiavičus adkazaŭ łakanična: «Jakoje ŭražańnie, prezident — heta prezident».

Delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH