Na hetym tydni budzie ciopła, ale syra
U pieršaj pałovie tydnia jašče budzie chaładnavata, tempieraturny fon budzie na 1—3 hradusy nižej za klimatyčnuju normu, ale nadvorje pastupova budzie palapšacca. U druhoj pałovie tydnia zachodnija i paŭnočna-zachodnija viatry źmieniacca na paŭdniova-zachodnija i da nas pačnie pastupać ciopłaje pavietra ź Mižziemnamorja, ustalujecca pa-letniamu ciopłaje z karotkačasovymi navalničnymi daždžami nadvorje.
U aŭtorak, 21 lipienia, na terytoryi Biełarusi pieravažna biez apadkaŭ, tolki miescami pa poŭnačy projduć karotkačasovyja daždžy. Tempieratura pavietra minimalnaja nočču +10 + 15°S, maksimalnaja dniom ad + 19°S pa paŭnočnym uschodzie da + 26°S pa paŭdniovym zachadzie krainy.
U sieradu, 22 lipienia, miescami projduć karotkačasovyja daždžy, navalnicy. Dniom u asobnych rajonach uzmacnieńnie vietru paryvami da 15—17 m/s. Tempieratura pavietra minimalnaja nočču +10 — +17°S, pa paŭdniovym zachadzie da + 19°S; maksimalnaja dniom 19 — +26°S, pa poŭdni da + 28°S.
U čaćvier, 23 lipienia, nočču pieravažna biez apadkaŭ, dniom miescami karotkačasovyja daždžy, navalnicy, pry navalnicach uzmacnieńnie vietru paryvami da 15-20 m/s. Tempieratura pavietra minimalnaja nočču 9 — + 15°S, pa paŭdniovym zachadzie da + 17°S; maksimalnaja dniom 21 — +28°S, pa poŭdni 29 + 32°S.
U piatnicu, 24 lipienia, nočču na bolšaj častcy terytoryi, dniom miescami pa krainie karotkačasovyja daždžy, u asobnych rajonach navalnicy. Tempieratura pavietra minimalnaja nočču +13 + 20°S, maksimalnaja dniom +20 + 27°S, pa paŭdniovym uschodzie 28 — +32°S.
U vychadnyja, 25 i 26 lipienia, miescami projduć karotkačasovyja daždžy, navalnicy. Tempieratura pavietra minimalnaja nočču 9 + 15°S, pa paŭdniovym uschodzie da + 18°S; maksimalnaja dniom +20 + 27°S, pa paŭdniovym uschodzie 28 — +33°S.
