U Rumynii ŭviali štraf da $570 za našeńnie maski z tkaniny
Z 8 studzienia ŭ Rumynii ŭ siłu ŭstupaje zabarona na našeńnie masak z tkaniny, parušalnikaŭ aštrafujuć na sumu da 2,5 tysiač rumynskich lejeŭ ($574,37), raspavioŭ ministr unutranych spraŭ Łučyjan Bode ŭ intervju Digi24.
Getty Images
Zhodna z rašeńniem Nacyjanalnaha kamiteta pa nadzvyčajnych situacyjach, žychary Rumynii zmohuć naviedvać hramadskija miescy tolki ŭ chirurhičnych maskach i reśpiratarach sa stupieńniu abarony FFP2, jakija całkam zakryvajuć nos i rot.
Praviła nie zakranie dziaciej da piaci hadoŭ, ludziej, jakija znachodziacca ŭ pamiaškańni adny, televiadučych i ich haściej pry vykanańni dystancyi u try mietry.
Pry zachavańni dystancyi nasić «pravilnyja» maski nie prymusiać i padčas nabaženstvaŭ, vystupleńniaŭ na publicy i zaniatkaŭ sportam.