Ukraina praviała antyterarystyčnyja vučeńni na miažy ź Biełaruśsiu
Kaardynacyjnaj hrupaj Antyterarystyčnaha centra pry ŭpraŭleńni Słužby biaśpieki Ukrainy praviedzienyja vučeńni pa niejtralizacyi varožaj dyviersijnaj hrupy pablizu paŭnočnaj miažy, na Čarnihaŭščynie. Treniroŭki pravodzilisia va ŭmovach, maksimalna nabližanych da realnych.
Padčas vučeńniaŭ. Fota: dpsu.gov.ua
Pavodle lehiendy vučeńniaŭ, na terytoryju kantralavanaha pamiežnaha rajona Čarnihaŭskaj vobłaści pranikła dyviersijna-raźviedvalnaja hrupa. Umoŭnyja dyviersanty płanavali nanieści dziaržavie značnyja ekanamičnyja straty i destabilizavać hramadska-palityčnuju abstanoŭku ŭ pryhraničnych rajonach Ukrainy.
Dla vykryćcia i niejtralizacyi ŭmoŭnaj dyviersijna-raźviedvalnaj hrupy ŭdzielniki vučeńniaŭ praviali kompleks apieratyŭna-vyšukovych, kontrraźviedvalnych i filtracyjnych mierapryjemstvaŭ. U zaklučnaj fazie trenirovak śpiecnazaŭcy praviali paśpiachovuju apieracyju pa niejtralizacyi «dyviersantaŭ» u rajonie pamiežnaha punkta propusku.