U Minsku vybrali najlepšuju łaŭku. Ale na joj niemahčyma siadzieć
U Minsku zaviaršyŭsia konkurs na najlepšuju łaŭku. Sioleta pieršaje miesca dastałasia Zielanbudu Centralnaha rajona, paviedamlaje the village.me.
Ich łavačka staić u zialonaj zonie na vulicy Maksima Tanka i ŭjaŭlaje ź siabie svojeasablivy fłararyum: akvaryum z kvietkami. Taksama ŭ łaŭki jość soniečnaja batareja i USB-raźjomy. Jana z usich bakoŭ šklanaja: i siadzieńnie, i śpinka, i častka, jakaja prymykaje da halonak. Škło macujecca da masiŭnych mietaličnych ryhielaŭ.
Viadoma, što ŭ haračaje nadvorje škło vielmi mocna nahravajecca — tak što na łavačcy praktyčna niemahčyma budzie siadzieć, nie ryzykujučy atrymać apiok. Udzielnaja ciepłajomistaść dreva prykładna ŭ try razy vyšejšaja, čym ciepłajomistaść škła — heta značyć, škło nahravajecca prykładna ŭtraja chutčej za dreva i hetak ža pavolna astyvaje. Tamu łavački zvyčajna i robiać draŭlanymi, kab na ich było kamfortna siadzieć.
Druhoje miesca zaniali adrazu dźvie łaŭki. Pieršaja ź ich —antyvandalnaja łava Harramaŭtadara Minharvykankama ŭ parkavaj zonie kala stancyi mietro «Michałova». La łavački taksama jość svoj mini-sadok z kvietkami.
Inšaja — hihanckaja kanstrukcyja pad nazvaj «#lubimujunieotdajut» ad «Minskaj haradskoj žyllovaj haspadarki» na alei Narodnaha Adzinstva.
«Bronzavych» pryzioraŭ taksama dva. Adzin — «Hatel «Kantyniental» z łavaj-arelami ŭ sadzie Haškieviča. Druhi — kompleks łavačak z kvietkavymi kadkami ad «Zielanbuda» Kastryčnickaha rajona na skryžavańni vulic Žukoŭskaha i Varanianskaha.
Voś i astatnija ŭdzielniki konkursu.
