Aryštavali advakata Uładzimira Anhielskaha
Siońnia ŭ sudzie Maskoŭskaha rajona Minska adbyŭsia razhlad administracyjnaj spravy advakata Uładzimira Anhielskaha. Jaho zatrymali ŭ Minsku jašče 31 žniŭnia, paviedamlaje «Viasna».
U Maskoŭskim RUUSie na advakata skłali pratakoł pavodle art. 24.3 KaAP (niepadparadkavańnie supracoŭniku milicyi). Viadoma, što sudździa Juryj Maškietaŭ pačaŭ razhlad spravy jašče ŭčora — 1 vieraśnia. Na sudzie dapytali i śviedku-milicyjanta, jaki błytaŭsia ŭ pakazańniach.
U vyniku Uładzimira pryznali vinavatym u niepadparadkavańni milicyjantu i aryštavali na 14 sutak.
Anhielski — advakat Minskaj abłasnoj kalehii advakataŭ. Da hetaha pracavaŭ u advakackim biuro «REVIERA», a taksama byŭ partnioram u advakackim biuro «Brahiniec i partniory». Ciapier advakat Vital Brahiniec pryznany palityčnym źniavolenym.
