Biełaruskaja rada kultury adkryła novuju prastoru dla sustreč u Vilni
Haścioŭnia Resursnaha centra Biełaruskaj rady kultury zapracavała ŭ histaryčnym centry Vilni, paviedamlaje Reform.by. «Tvorcy i art-mieniedžary mohuć bieskaštoŭna karystacca joj dla adukacyjnych iventaŭ», — padkreślivajuć čalcy Rady.
Žyvaja prastora Resursnaha centra źjaŭlajecca častkaj prajekta Artpower Belarus. Tut možna atrymać kansultacyju pa prahramie, skłaści zajaŭku, napisać spravazdaču, paraicca nakont stvareńnia prafiesijnaha abjadnańnia. Prastora adkrytaja i dla arhanizacyi sieminaraŭ, lekcyj, navučalnych imprez dla dziejačaŭ kultury, a taksama pracoŭnych sustreč.
Dastatkova tolki zarehistravacca — i haścioŭnia dajecca dla iventaŭ biaspłatna. Taksama ŭ Resursnym centry možna ŭziać u bieskaštoŭnuju arendu śvietłavoje i hukavoje abstalavańnie dla imprezy.
Raźličana pamiaškańnie na aŭdytoryju da 30 słuchačoŭ. Miarkujecca, što prastora stanie centram dla raźvićcia idej, prajektaŭ, inicyjatyŭ dy ŭ cełym biełaruskaj kultury.
Bolš padrabiaznaściaŭ — tut.
