Staŭki pa kredycie na Geely rezka padskočyli
2 maja ŭ Biełarusi źniziłasia staŭka refinansavańnia — z 10,5 da 10 %. Tak jak da jaje pryviazanyja kredytnyja prapanovy, čakałasia, što novyja Geely budzie bolš vyhadna nabyvać, ale ŭsie banki niečakana padniali staŭki, piša av.by.
Fota: archiŭ av.by
U krasaviku Atlas Pro, Coolray, Tugella i Emgrand možna było ŭziać pad 2,88 %. Ciapier minimalnaja staŭka padskočyła da 7,95 % (zatym — 13 % hadavych (SR + 3)) albo 8 % (zatym — 13,5 % (SR + 3,5)) na pieršyja try hady. Termin kredytavańnia — 10 hadoŭ. Śpiecyjalnaja staŭka na kuplu elektramabila Geely Geometry C zastałasia niaźmiennaj — ad 9,99% try pieršyja miesiacy, z čaćviortaha — 15,4% hadavych.
U Biełarusi madelny šerah Geely pradstaŭleny siedanam Emgrand (ad 49 200 rub.), krasovierami Coolray (ad 62 815 rub.), Atlas Pro (ad 73 950 rub.), Okavango (97 200 rub.), kros-kupe Tugella (ad 111 600 rub.) i elektrachetčbekam Geometry C (99 900 rub.).
Fota: archiŭ av.by
Taksama ŭžo možna stać uładalnikam fłahmanskaha Monjaro, jaki ŭ nas kaštuje 141 900—143 900 rub. (u pieraraźliku prykładna 49 000 dalaraŭ).
Jak adznačyli ŭ adnym sa staličnych dylerskich centraŭ, popyt na krosovier vielmi vysoki, niahledziačy na toje, što na jaho nie raspaŭsiudžvajecca śpiecprahrama kredytavańnia.
Pa-raniejšamu ŭ svabodnym prodažy jość tolki Okavango i Geometry, astatnija mašyny pa liście čakańnia.
U sałonie adznačajuć: pastaŭki iduć uvieś čas, ale ŭ asnoŭnym aŭtamabili adrazu ž sychodziać pa raniej zaklučanych kantraktach.
Čytajcie taksama:
«Zialonaja karta» chutka ŭsio. Jak buduć afarmlacca strachavyja polisy na aŭto dla vyjezdu za miažu?
Pa canie dźviuch kvater u Minsku. Jakija kiempiery pradajuć u Biełarusi
U Biełarusi raście kolkaść aŭto ŭ prodažy. Čamu tak adbyvajecca? Tłumačać hulcy rynku
