U Minsku ŭviali novyja tałončyki na prajezd. Čym jany adroźnivajucca ad starych?
U Minsku źjavilisia novyja tałončyki na prajezd, ich stali pradavać u mai. Pakul što jany pradajucca paralelna sa starymi. Karennych adroźnieńniaŭ ad raniejšych tałonaŭ niašmat, ale ŭsio ž jany jość. Vydańnie Blizko.by uvažliva razhledzieła navinku i adsačyła ŭsie źmieny.
Koleravaja hama tałonaŭ zastałasia raniejšaj: zvyčajnyja za 85 kapiejek — zialonyja, na ekspres za 1 rubiel — karyčnievyja, zvyčajnyja pry prodažy kiroŭcam za 90 kapiejek — sinija, a ekspresnyja pry prodažy kiroŭcam za 1,05 rubla — fijaletavyja.
Ale pry hetym sama koleravaja hama stała bolš nasyčanaj, u pieršuju čarhu za košt taho, što tekstu stała bolš, a litary stali tłuściejšymi.
Što dadałosia?
Pa-pieršaje, źjaviłasia ŭdakładnieńnie, dla čaho patrebny tałončyk. Raniej prosta drukavali «Bilet na adnu pajezdku», a ciapier — «Bilet na adnu pajezdku na haradskija pieravozki pasažyraŭ».
Pa-druhoje, źjaviłasia paznačeńnie, chto abaviazvajecca pieravieźci pasažyra pa hetym tałonie: «Pieravozčyk: dziaržaŭnaje pradpryjemstva «Minsktrans». Łahatyp samoha «Minsktransa» pamienšyŭsia i pierajechaŭ na nižniuju častku tałona.
Tałončyk novaha ŭzoru
Hetyja dźvie miery dazvalajuć vykazać zdahadku, što novyja tałony pavinny vyrazna adroźnivacca ad kvitkoŭ, skažam, na pryharadnyja aŭtobusy ci na haradskija pajezdki ad inšych apierataraŭ.
Adnak ciapier pryharadnyja kvitki ŭjaŭlajuć saboj prosta kasavy ček na rułonnaj stužcy, a inšyja haradskija pieravozčyki na svaich maršrutkach kvitkoŭ nie vydajuć zusim. Mahčyma, niejkija źmieny i płanujucca, ale atrymać pa hetym pytańni apieratyŭny kamientar u «Minsktransie» vydańniu nie ŭdałosia.
Na sajcie pradpryjemstva ŭzor novych tałonaŭ vykłali ŭ mai. Voś jak vyhladajuć uzory tałonaŭ staroha i novaha dyzajnu.
Tałony raniejšaha ŭzoru
Tałony abnoŭlenaha ŭzoru
Jość źmieny i na advarotnym baku. Ciapier tam źjaviŭsia QR-kod, jaki viadzie na hałoŭnuju staronku pradpryjemstva Minsktrans.by (mabyć, łahičniej było b adrazu na raździeł z taryfami i vidami kvitkoŭ).
Pamier tałončykaŭ zastaŭsia raniejšym: 74ch36. Šeraje pole na advarotnym baku ź ledź adroznymi litarami «KO» taksama na miescy.
Staryja i novyja tałony chodziać paralelna. U adnym kijosku «Biełsajuzdruka» žurnalistam pradali kvitok novaha ŭzoru, a ŭ kasie mietro — staroha.
Tałony abodvuch vidaŭ buduć sapraŭdnymi, pakul dziejničaje ciapierašni taryf, i zastanucca takimi na praciahu 30 sutak paśla ŭviadzieńnia novaha taryfu. Kali kankretna adbudziecca padaražańnie i ci płanujecca jano naohuł — infarmacyi pakul niama.
Apošni raz prajezd u Minsku daražeŭ 20 krasavika 2022 hoda: z 75 da 85 kapiejek na aŭtobusie/tralejbusie/tramvai i z 90 kapiejek da 1 rubla ŭ aŭtobusie-ekspresie.
Źvierchu kvitok na adnu pajezdku, nabyty ŭ kiroŭcy, novaha ŭzoru, źnizu kvitok na adnu pajezdku ŭ aŭtobusie-ekspresie staroha ŭzoru
Čytajcie taksama:
Zaraz u Homieli tolki biełaruskamoŭnyja kvitki
Pavialičyli košt prajezdu pa biełaruskich płatnych darohach
Značna pavialičylisia taryfy na pasłuhi aeraportaŭ, padaražejuć i kvitki
