«Biełarusbank» zapuściŭ płaciažy na numar mabilnaha telefona
Maksimalnaja suma pieravodu składaje 150 rubloŭ.
Fota: «Naša Niva»
«Kab ździejśnić imhnienny płaciež, nieabchodna być karystalnikam sistemy «Internet-bankinh» i mieć aktualny (raźlikovy) bankaŭski rachunak biez vykarystańnia bankaŭskaj płaciežnaj kartki. Pry nieabchodnaści jaho možna adkryć u internet-bankinhu ŭ anłajn-režymie», — paviedamlaje pres-słužba banka.
Kab atrymać pieravod praź sistemu, karystalniku taksama nieabchodna pryviazać numar mabilnaha telefona i aktualny (raźlikovy) bankaŭski rachunak da servisu sistemy imhniennych płaciažoŭ (SIP). Heta robicca ŭ internet-bankinhu va ŭkładcy «Płaciažy i pieravody» ŭ niekalki klikaŭ.
Karystalnik, jaki atrymaŭ płaciež praź SIP na svoj aktualny rachunak, moža pieravieści ich na vybranuju apłatnuju kartu praz funkcyju «Śpisać na kartu».
Maksimalnaja suma pieravodu ŭ sistemie składaje 150 rubloŭ. U sutki možna ździejśnić nie bolš za 5 apieracyj na sumu nie bolš za 500 rubloŭ.
Płata za pieravod składzie 1,5% ad sumy, minimum 1 rubiel.
