U žyvych zastaŭsia tolki adzin pasažyr aŭtamabila Audi 100, jaki siadzieŭ za kiroŭcam, — miedyki aceńvajuć jaho stan jak ciažki i zmahajucca za jaho žyćcio.
Fota 112.by.
Fota 112.by.
Fota 112.by.
Fota 112.by.
Avaryja adbyłasia 10 listapada 10 kala 01.45 na skryžavańni trasy M10 (miaža RF—Homiel—Kobryn ) i druharadnaj darohi H77 (Biaroza—Antopal).
«Praihnaravaŭšy praviły vyjezdu na hałoŭnuju darohu, kiroŭca Audi 100, vyjechaŭšy z druharadnaj darohi na hałoŭnuju, urezaŭsia ŭ furu DAF z paŭpryčepam, — paviedamiła Auto.tut.by načalnik adździaleńnia ahitacyi i prapahandy UDAI UUS Bresckaha abłvykankama Natalla Sacharčuk.
U Audi znachodziłasia kampanija maładych ludziej. Na miescy DTZ zahinuli čaćviora žycharoŭ Drahičynskaha rajona: 22-hadovy kiroŭca (vioska Pierkavičy), 22-hadovy pasažyr (vioska Suhorje), 17-hadovaja dziaŭčyna ź vioski Arłovičy i 21-hadovaja pasažyrka, žycharka vioski Imianin.
Na miesca zdareńnia vyjazdžali supracoŭniki MNS — ratavalnikam daviałosia debłakavać cieły zahinułych.
U žyvych zastaŭsia tolki 24-hadovy małady čałaviek, jaki siadzieŭ na zadnim siadzieńni za vadzicielskim kresłam.
Jon byŭ dastaŭleny ŭ reanimacyjnaje adździaleńnie z šyrokaj palitraŭmaj, čerapna-mazhavoj traŭmaj i pierałomami levaha ściahna i levaha pieradplečča. Miedyki aceńvajuć jaho stan jak ciažki i zmahajucca za jaho žyćcio.
«Pierad vyjezdam na trasu M10 na druharadnaj darozie ŭstanoŭleny niekalki štučnych niaroŭnaściaŭ, — adznačyli ŭ DAI. — Kiroŭca Audi atrymaŭ vadzicielskaje paśviedčańnie ŭ mai 2011 hoda, niekalki razoŭ pryciahvaŭsia da administracyjnaj adkaznaści jak piešachod.
Apošni raz jaho aštrafavali ŭ kastryčniku hetaha hoda za pieravyšeńnie chutkaści bolš čym na 30 km/h.
Kiroŭca fury, 37- hadovy žychar Bresta, u avaryi nie paciarpieŭ. Da ranicy na miescy zdareńnia pracavała śledča-apieratyŭnaja hrupa, vyśviatlalisia ŭsie abstaviny zdareńnia.
Pa papiarednich dadzienych, kiroŭca Audi byŭ ćviarozy.
