Havorka idzie mienavita pra pieradaču, a nie prodaž kantrolnaha pakieta akcyj «Hrodna-Azot». Sama schiema składajecca ź dźviuch častak. Pieršaja miarkuje prodaž stratehičnamu inviestaru 25% +1 akcyja «Hrodna-Azot». Mierkavanuju canu hetaha pakieta Kuźniacoŭ nie nazvaŭ.
Druhaja častka schiemy zvodzicca da taho, što pakupnik błokpakieta moža atrymać jašče 25% akcyj pradpryjemstva ŭ trastavaje ŭpraŭleńnie pry vykanańni nastupnaj umovy: inviestycyi ŭ «Hrodna-Azot» u abjomie $,6 młrd: 1,2 młrd — na budaŭnictva novaha azotnaha kompleksu, 400 młn — na madernizacyju dziejnych mahutnaściaŭ.
Kiraŭnik Dziaržkammajomaści nie ŭdakładniŭ, na praciahu jakoha terminu ad kupli błokpakieta inviestar pavinien vykanać inviestycyjnyja ŭmovy, a taksama jak paśla vykanańnia ŭsich umovaŭ buduć transfarmavanyja adnosiny inviestara z uładami ŭ častcy 25% pakieta akcyj, pieradadzienych u daviernaje kiravańnie. Pa słovach Kuźniacova, detalovaja prapracoŭka hetaj schiemy jašče tolki zaviaršajecca.
U lik stratehičnych inviestaraŭ buduć dapuščany tolki tyja zamiežnyja (čytaj — rasijskija) kampanii, jakija vałodajuć ułasnaj syravinaj — pryrodnym hazam.