U Maskvie zabity televiadučy Andrej Rybakin, paviedamlaje BiełTA sa spasyłkaj na telekanał «360° Padmaskoŭje».
U paviedamleńni pres-słužby telekanała havorycca: «15 lipienia kala 21:30 stała viadoma pra śmierć našaha kalehi, viadučaha prahramy «Videarehistratar» Andreja Rybakina.
Rybakin čatyry dni nie vychodziŭ na suviaź, tamu blizkija stali turbavacca. Siabry vybili dźviery kvatery, dzie pražyvaŭ Rybakin, i znajšli jaho miortvym.
Pa dadzienych Śledčaha kamiteta, Andrej byŭ zabity. Jak miarkujecca, televiadučaha da śmierci źbiŭ jaho znajomy, jaki zadumaŭ skraści darahuju kamputarnuju techniku ŭ Rybakina.
U pres-słužbie HU MUS Rasiei pa Maskvie paviedamili, što palicyja vyśvietliła asobu i zatrymała mierkavanaha vinavataha ŭ zabojstvie. Zatrymać jaho ŭdałosia dziakujučy zapisam kamier videanazirańnia, jakija zafiksavali, jak padazravany ŭ dzień zabojstva Rybakina spačatku zachodziŭ u padjezd razam z teležurnalistam, a zatym vychodziŭ ź jaho adzin z dvuma noŭtbukami.
Na «Aŭta Šou Andreja Rybakina» u sacyjalnaj sietcy «Ukantakcie» padpisanyja 72985 čałaviek. Andrej Rybakin prasłaviŭsia paśla raźmiaščeńnia skandalnych videarolikaŭ, u jakich jon usialak parušaje praviły darožnaha ruchu, kab zdymać hetyja parušeńni na videarehistratar. Videapracy źbirali nieadnaznačnyja kamientary karystalnikaŭ, adnak mieli papularnaść.
