Uzychod sonca i pačatak novaha dnia ŭ miastečku Druja na miažy z Łatvijaj, subota, 26 lipienia.
U Drui žyvuć kataliki, pravasłaŭnyja i staraviery. Druja staić na Dźvinie, i za rakoj — Prydrujsk, pa-łatyšsku Piedruja, Łatvija.
Na siońnia ŭ Drui zastałosia ŭsiaho 1300 žycharoŭ. A kaliści ž heta byŭ mocny horad… Tut pastavili pry Połacku Barysaŭ kamień. Tut byli paśla Sapiehi.
Nad Drujaj uzvyšajecca vieličny kaścioł Śviatoj Trojcy pry klaštary biernardzincaŭ. Tut u mižvajenny čas mieściŭsia manastyr maryjanaŭ — pieršy ŭ svaim rodzie biełaruskamoŭny katalicki asiarodak.
A ciapier Barysaŭ kamień tresnuŭ. Manachaŭ nie zastałosia, u kaściole słužyć adzin ajciec Siarhiej Surynovič.
Usio pamianiałasia ŭ Drui, usiaho stała mienš, tolki vieža kaścielnaja staić jak była, i sonca ŭstaje adnolkava, jak i pry kniaziu Barysu.
