Viadomy słavacki mastak i ilustratar Rada Javar i litoŭskaja mastačka Bieata Kurkul pryśviacili svaje pracy ŭ hetym hodzie vajnie, jakuju Ukraina viadzie suprać rasijskaj ahresii.
Jany raźmiaścili svaje tvory na viadomym sajcie deviantart.com i dadali svaje karotkija kamientary.
Słavacki mastak zrabiŭ trypcich, jaki pryśviaciŭ trom pieryjadam vajny va Ukrainie.
«Viasna va Ukrainie». «Ja chaču padtrymać chrabrych ludziej tam. Viasnoj ukrainskija desantnyja častki pačali kontratakavać rasiejcaŭ».
«Leta va Ukrainie». «Spadziajusia, adnojčy Lenin i jahony chvory paśladoŭnik Pucin narešcie zvalacca, i ludzi buduć radavacca mirnamu letniamu viečaru».
«Zima va Ukrainie». «Ja zyču ščaślivaha Rastva ŭsim ludziam Ukrainy, asabliva na Uschodnim froncie ŭ Danieckim aeraporcie. Nie mahu ŭjavić, jak ciažka znachodzicca na choładzie i čakać voraha».
Litoŭskaja mastačka Bieata Kurkul maje nik Noldofinve, jaki maje karani ŭ epasie Džona Tołkina, i zvyčajna natchniajecca fantastykaj, ale ŭ hetym hodzie napisała karciny z roznymi siužetami pra ŭkrainskuju armiju, milicyju i pamiežnikaŭ.
Jana z mužam žyvie ciapier u Kijevie i jak vałanciorka dapamahaje Pamiežnaj słužbie Ukrainy.
«Armija. 6 śniežnia — dzień Uzbrojenych Sił Ukrainy. Hetym časam hetaje śviata było sapraŭdnym ušanavańniem novaj armii, jakaja adradžajecca».
«Pratrymalisia. Śvitanak. Heta nie epitafija, heta tolki ŭpeŭnienaść u tym, što ŭkraincy abaroniać svaju ziamlu ad ahresaraŭ».
«Niabiesnyja pamiežniki. Pamiežniki nie pamirajuć, jany iduć achoŭvać niabiesnyja miežy. U aŭtorak rasijskija viertaloty Mi-24 adkryta abstralali post u Krasnaj Tałaŭcy, zabili 4 i ranili 3 z našych chłopcaŭ».
«Usio budzie dobra. Ukrainskaja armija pieramoža, i mir budzie adnoŭleny».
