Ministerstva finansaŭ Biełarusi pastanovaj № 58 ad 21 śniežnia 2015 hoda dazvoliła pry zaklučeńni publičnych damovaŭ składać akty, padpisanyja ŭ adnabakovym paradku vykanaŭcam. Tekst dakumienta apublikavany na Nacyjanalnym pravavym partale.
Dakumientam ustanoŭlena, što vypadkam, pry jakim pieršasny ŭlikovy dakumient, jaki paćviardžaje vykanańnie rabot abo akazańnie pasłuh, moža być składzieny padradčykam (vykanaŭcam) i zakazčykam adnaasobna, źjaŭlajecca zaklučeńnie publičnaj damovy pamiž bakami.
Dakumient ustupiŭ u siłu paśla jaho aficyjnaha apublikavańnia.
«Heta fantastyka! Heta istotny krok na karyść raźvićcia elektronnaha dakumientaabarotu. I, va ŭsiakim vypadku, užo ciapier heta pazbavić takija pradpryjemstvy, jak my, ad nieabchodnaści adsočvać viartańnie akta ad zakazčyka i ad pahrozy štrafu za niapravilnaje viadzieńnie buchuliku ŭ vypadku nieviartańnia», — prakamientavała pryniaty dakumient hienieralny dyrektar TAA «Nadziejnyja prahramy» Ludmiła Čekina.
