Samy vialiki vonkavy ekran u Biełarusi pačnie tranślavać hałoŭnuju spartyŭnuju padzieju hoda ad suboty. Bližej da poŭdnia (kala 11:20) na vielizarnym ekranie pakažuć cyrymoniju adkryćcia XXXI letnich Alimpijskich hulniaŭ.
Paśla hetaha minčuki i hości stalicy ŭbačać tranślacyi spabornictvaŭ u roznych vidach sportu — najpierš tych, dzie za miedali buduć zmahacca biełaruskija atlety.
Alimpijskija hulni ŭ centry Minska buduć pakazvać štodnia ad 12-j da 22-j hadziny. Tematyčny «kinateatr» pad adkrytym niebam budzie pracavać až da zakryćcia Alimpijady, jakoje adbudziecca 21 žniŭnia. Na ekran buduć vyvodzić tranślacyi spabornictvaŭ u Rya amal pa ŭsich vidach sportu.
Najbolš kamfortna hladzieć Alimpijskija hulni na vialikim ekranie možna budzie praz darohu ad Galleria Minsk. Dla prychilnikaŭ sportu buduć pracavać vuličnyja abjekty handlu, pałatki z napojami i ježaj.
— Jak čakajecca, Hulni ŭ Rya na vialikim ekranie zmohuć pahladzieć da miljona čałaviek, — prakamientavali AFISHA.TUT.BY inicyjatar prajekta ŭłaśnik Galleria Minsk (pry padtrymcy Minskaha harvykankama). — My zaprašajem minčukoŭ skarystacca hetaj mahčymaściu i panazirać na vialikim ekranie za vystupami biełaruskich spartoŭcaŭ, kab usim razam paradavacca ich pieramoham. Kožny zmoža akunucca ŭ atmaśfieru alimpijskaha Rya.
