Za naŭmysnaje pryčynieńnie ciažkich cialesnych paškodžańniaŭ asudžany 36-hadovy administratar biljardnaj zały baranavickaha kłuba «Monarch'».
Jak paviedamiła staršy prakuror adździeła prakuratury Bresckaj vobłaści Nadzieja Niekraševič, kala hadziny nočy 11 krasavika ŭ biljardnuju zału zajšli dvoje mužčyn. Z-za taho što ŭ adnaho ź ich na rukach byŭ maleńki sabačka, administratar źviarnuŭ uvahu, što ŭvachod u biljardnuju zału z žyviołami zabaronieny, i prapanavaŭ pakinuć pamiaškańnie.
Mužčyny admovilisia pajści, zajaviŭšy, što tolki chočuć kupić cyharet. Razhareŭsia kanflikt, padčas jakoha administratar toŭstaj častkaj biljardnaha kija udaryŭ u tvar siabra mužčyny z sabačkam. U vyniku paciarpiełamu byli pryčynienyja zakrytaja čerapna-mazhavaja traŭma, pierałomy skułovoj kostki i vierchniaj skivicy, krovaźlićcio ŭ białočnuju abałonku levaha voka, jakija adnosiacca da ciažkich cialesnych paškodžańniaŭ.
19 žniŭnia sud Baranavickaha rajona i horada Baranavičy pryznaŭ administratara biljardnaj zały vinavatym u złačynstvie, praduhledžanym č. 1 art. 147 KK, i pryhavaryŭ da troch hadoŭ abmiežavańnia voli biez nakiravańnia ŭ papraŭčuju ŭstanovu adkrytaha typu.
Ź jaho spahnana na karyść paciarpiełaha 7 tys. denaminavanych rubloŭ materyjalnaj kampiensacyi maralnaj škody i 1 tys. denaminavanych rubloŭ za pasłuhi advakata.
Prysud abskardzili fihurant kryminalnaj spravy, jaki nie pryznaŭ svajoj viny, i paciarpieły, jaki paličyŭ pakarańnie miakkim.
8 listapada sudovaja kalehija pa kryminalnych spravach Bresckaha abłasnoha suda adchiliła skarhi, pakinuŭšy prysud bieź źmieny. Jon nabyŭ zakonnuju moc.
