ptushki.org
Pra heta paviedamili ŭ hramadskaj arhanizacyi «Achova ptušak Baćkaŭščyny» (APB).
«Meta akcyi — nahadać usim, jak važna padkormlivać ptušak u chałady. Znajści korm pad śnieham — niaprostaja zadača, da taho ž zimoj treba bolš enierhii na abahravańnie, a značyć, i ježy. Śniehapady i marazy — sapraŭdnaje vyprabavańnie dla ptušak, a dla ludziej samy čas dla kłopatu pra ich. Padkormka ptušak zimoj — sprava nieskładanaja, i heta pad siłu kožnamu. Nie treba vałodać asablivymi viedami, hałoŭnaje — zrabić pravilnuju karmušku i vybrać pravilny korm», — padkreślili ŭ hramadskaj arhanizacyi.
Dla ŭdziełu ŭ akcyi nieabchodna 14 i 15 studzienia padličyć vidy i kolkaść ptušak na svajoj karmušcy i dasłać dadzienyja ŭ APB. Heta možna budzie zrabić, zapoŭniŭšy śpiecyjalnuju formu na sajcie, akramia taho, možna dasłać paviedamleńnie ŭ sacyjalnych sietkach abo adpravić dadzienyja na adras [email protected].
Siarod udzielnikaŭ, jakija dašluć vyniki svaich nazirańniaŭ, APB razyhraje 10 značkoŭ z ptuškami, jakija čaściej za ŭsio naviedvajuć karmuški — zielanuška, hil, palavy i chatni vierabiej.
U hramadskaj arhanizacyi rastłumačyli, što najlepšy korm dla pradstaŭnikoŭ siamiejstva vierabjinych — čornyja niesalonyja niapražanyja siemiečki, možna zrabić sumieś: siemiečki słaniečnika, prosa i avios. Sinicy i dziatły z zadavalnieńniem jaduć niesalonaje śviežaje sała, vierabji, zielanuški i popaŭźni lubiać pałasavacca arachisam.
«Čym bolš kormu budzie — tym bolš ptušak prylaciać da vašaj karmuški. Letaś akcyja prachodziła 16—17 studzienia, i na karmuški ŭdzielnikaŭ prylacieła bolš za 35 vidaŭ ptušak. Čaściej za ŭsio bačyli vialikuju sinicu (3215 asobin), na druhim miescy — palavy vierabiej (2038 asobin), na trecim — chatni vierabiej (1738 asobin). Kala 2,7 tys. udzielnikaŭ akcyi padkarmili tady bolš za 9,5 tys. ptušak», — adznačyli ŭ APB.
