Letaś u interviju Svabodzie žurnalistka Śviatłana Kalinkina raspaviała, što jaje apošniaja pierapiska z Šaramietam datyčyła mienavita pracy sajtu:
«Ciapier ja nia viedaju, što budzie jak z hetym prajektam, tak i ź inšym — «Histaryčnaj praŭdaj». Tamu hety kłopat našaj medyja-supolnaści, napeŭna, treba budzie brać na siabie» — skazała letaś u lipieni Kalinkina.
Praz paŭhodu paśla hetych słovaŭ Svaboda pacikaviłasia ŭ žurnalistki, jak «Biełaruski partyzan» daje sabie rady biez zasnavalnika i šmathadovaha redaktara Paŭła Šaramieta.
Hurnievič: Śviatłana, ci źmianiłasia ŭvohule niešta ŭ pracy «Biełpartyzanu» paśla zabojstva Paŭła Šaramieta?
Kalinkina: Źmianiłasia toje, što «Biełpartyzanu» ciapier treba pracavać biez čałavieka, jaki byŭ enerdžajzeram prajektu, jaki mieŭ šmat kantaktaŭ, jaki mieŭ dostup da insadejrskaj infarmacyi. Całkam heta kampensavać niemahčyma. Tamu «Biełpartyzan» šukaje inšyja «nišy», kab palepšyć kantent. U pieršuju čarhu — praz pavieličeńnie kolkaści i jakaści ekskluzyŭnych tekstaŭ i pašyreńnie «hieahrafii temaŭ». Biełaruś — nie sama pa sabie sa svaimi cikavymi i nia vielmi navinami, a ŭ kantekście ahulnaeŭrapiejskich, suśvietnych i rehijanalnych tendencyj. Sajt ciapier sprabuje vypracoŭvać hetki pohlad na padziei ŭ našaj krainie.
Hurnievič: Paśla zabojstva Paŭła Vy kazali, što jon finansavaŭ prajekt u tym liku i sa svaich hrošaj, i što dalejšaje isnavańnie moža być pad pytańniem. Ci siońnia hetaje pytańnie jašče aktualnaje?
Hurnievič: Darečy, ci źmianiłasia niejkim čynam redakcyjnaja palityka sajtu i kolkaść karystalnikaŭ?
Kalinkina: Sajt pracuje. Dziakuj Huhłu, pry raźmierkavańni reklamy jany nia ŭličvajuć palityčnuju kańjunkturu, a ŭličvajuć tolki kolkaść naviedvalnikaŭ, kolkaść uvachodaŭ na staronki. Tak što hleba jość.
Kalinkina: Palityka, jak mnie padajecca, nie źmianiłasia, chacia nadaŭna była haračaja dyskusija nakont taho, ci treba davać mahčymaść mieć błoh na «Biełpartyzanie», naprykład, Dyjanavu. Niekatorym nie padabajecca Kadyraŭ, niekatorym — Vałčanin, niekatorym — Padhoł… Dy ci mała chto kamu nie padabajecca. Ale pakul sajt prytrymlivajecca praviła, zaviedzienaha Šaramietam, pohlady mohuć być roznymi, jany mohuć nie padabacca i navat nie prymacca tym ci inšym, ale lepš pra hetyja pohlady viedać, dyskutavać, šukać arhumenty, čym štučna stvarać «virtualnyja kluby adnadumcaŭ». A što tyčycca kolkaści karystalnikaŭ, to jana raście. Na hałoŭnaj staroncy jość ličylnik, jaki fiksuje kolkaść naviedvalnikaŭ u dzień, u tydzień, u miesiac. Mianie heta ciešyć.
Hurnievič: Śviatłana, a što dla Vas u misii «Biełpartyzanu» najvažniejšaje?
Kalinkina: Ja nie źjaŭlajusia redaktaram sajta. Ja chutčej «naziralnaja rada» i daradca. Najvažniejšaje — analizavać i apisvać padziei z punktu hledžańnia zdarovaha sensu. Redakcyja surjozna dumaje nad palapšeńniem jakaści analityčnych materyjałaŭ i nad temami dla svaich žurnalisckich raśśledvańniaŭ.
Hurnievič: MUS Ukrainy siarod mahčymych pryčyn zabojstva Paŭła nazyvaje i jaho dziejnaść u Biełarusi. Nakolki hetaja dumka pad saboj realny hrunt?
Kalinkina: Tearetyčna — usio moža być. Tearetyčna, padkreślivaju, u Biełarusi moža być niamała «dabrazyčliŭcaŭ» Paŭła, jakija šmat hadoŭ vynošvali plany pomsty. Ale, nakolki ja viedaju, nijakich śledčych dziejańniaŭ u Biełarusi paśla zabojstva Paŭła nie pravodziłasia. Jak ja razumieju, heta aznačaje, što i ukrainskija śledčyja versiju pra biełaruski śled ahučvajuć vyklučna jak tearetyčnuju.
