Čytajcie: Kolki ŭ efiry ANT svajho kantentu, a kolki — rasijskaha? Davajcie ličyć
Budynak ANT.
«Kolki abjektyŭnaści ŭ materyjałach internet-resursu «Naša Niva»? Davajcie ličyć …
Sa ździŭleńniem aznajomilisia z razvažańniami žurnalista resursu «Naša Niva», jaki kaliści supracoŭničaŭ z telekanałam ANT…
Vidavočna, što aŭtar centralnaha materyjału na internet-resursie słaba znajomy jak z televizijnaj kuchniaj, tak i z asablivaściami padliku kantentu na telekanałach. I zusim nie vałodaje terminałohijaj televytvorčaści, nie padzialaje licenzijny, ułasny i biełaruski kantent, proma, afarmleńnie kanała i h.d.
Heta, kaniečnie, kali nie zapadozryć jaho ŭ nieprafiesijanaliźmie abo śviadomaj nieabjektyŭnaści, što, zrešty, adno i toje ž. Ale my nie budziem dumać pra aŭtara drenna.
Tamu aficyjna.
Abjom ŭłasnaha kantentu padličvajecca na telekanałach nie pa asobnych dniach, a štomiesiac i za bolš praciahłyja pieryjady, maje vyraznuju (a nie prymityŭnuju) raźbiŭku pa vidach kantentu, što źviazana z asablivaściami televytvorčaści i vychadu ŭ efir mnohich prajektaŭ.
Niadziŭna, što vybraŭšy try «advolnyja» dni, aŭtar resursu «Naša Niva» kančatkova zabłytaŭsia ŭ televizijnaj terminałohii i ŭ vyniku «zabyŭsia» na vialikuju kolkaść prajektaŭ telekanała ANT, jakija ŭnosiać istotnyja karektyvy ŭ jaho matematyčnyja padliki.
U analizie «vypadkova» nie znajšli adlustravańnie takija prajekty, jak tok-šou «Naša žyćcio», prahrama ŭ žanry intervju «Markaŭ. Ničoha asabistaha», «Tryvožnaja knopka», «Talent krainy», «Što? Dzie? Kali? u Biełarusi», «Moj los — Biełaruś», štotydniovaje šou «Udača ŭ dadatak!», a taksama masa razavych (naprykład, čatyrochhadzinnaja śniežańskaja «Pieśnia hoda ŭ Biełarusi») i cykłavych prajektaŭ, jakija vychodzili na praciahu hoda albo jakija iduć zaraz na ANT.
A byli jašče i šmatlikija dakumientalnyja prajekty, kancertnyja prahramy, a taksama mižprahramnaja pradukcyja, pra jakuju aŭtar artykuła paličyŭ za lepšaje nie ŭzhadvać.
Jak by nie chaciełasia redakcyi «Naša niva» stvaryć siensacyju, ale ŭsio-taki pažadana rabić heta, abapirajučysia na fakty, a nie na «padkidvańnie ličbaŭ». Pry hetym kalehi pa cechu mohuć być upeŭnieny, što my z zadavalnieńniem i ŭ dalejšym budziem analizavać ich abjektyŭnaść.
Dziakuj za rehularnuju infarmacyjnuju padtrymku telekanała ANT i lepšyja miescy na hałoŭnaj staroncy partała. Jak viadoma, słabych nie pijarać».