Huawei pakarała dvuch supracoŭnikaŭ za publikacyju navahodniaha vinšavańnia ŭ tvitary kampanii z telefona iPhone.
Tvit, apublikavany 31 śniežnia, kazaŭ: «Ščaślivaha 2019 hoda ad Huawei!», adnak było bačna, što paviedamleńnie apublikavana z iPhone. Publikacyja była amal adrazu vydalenaja, adnak jaje skrynšoty šyroka razyšlisia ŭ ŚMI.
Pavodle aficyjnaha kamientaryja kampanii, pamyłka była źviazana z techničnymi prablemami — Kitaj błakuje dostup da mnohich zamiežnych veb-sajtaŭ, uklučajučy Twitter, i mnohija karystalniki i kampanii vykarystoŭvajuć VPN, kab abyści błakiroŭku.
Adnak z-za techničnych prablem u toj dzień kampanija, jakaja adkazvaje za sacyjalnyja sietki Huawei, nie zmahła abyści błakavańnie. Dla taho, kab pavinšavać karystalnikaŭ ad imia kampanii, u iPhone ustavili hankonhskuju sim-kartu i adpravili tvit, nie praviarajučy, jak jon budzie vyhladać paśla publikacyi.
Supracoŭnik, jaki pamyliŭsia, atrymaŭ nižejšuju pasadu, jaho zarpłata skaraciłasia na $727. Jaho niepasrednamu kiraŭniku na hod zamarozili indeksacyju zarabotnaj płaty.