U Rasii z 5 maja ŭstupaje ŭ siłu pastanova ŭrada pra abaviazki ŭładalnikaŭ miesiendžaraŭ identyfikavać karystalnikaŭ pa numary telefona. Adpaviednuju pastanovu premjer Dźmitryj Miadźviedzieŭ padpisaŭ 27 kastryčnika minułaha hoda, apublikavana jano było 6 listapada. U tekście dakumienta skazana, što pastanova ŭstupaje ŭ siłu praz 180 dzion z momantu apublikavańnia.
Zhodna z pastanovaj identyfikacyja karystalnika budzie prachodzić nastupnym čynam: miesiendžary buduć zapytvać infarmacyju pra karystalnika ŭ sotavaha apieratara, toj abaviazany budzie pradastavić zapytanyja dadzienyja na praciahu 20 chvilin. U vypadku, kali apieratar nie pradastavić infarmacyju pra karystalnika ci ŭ bazie dadzienych nie apyniecca adpaviednych źviestak, identyfikacyja nie budzie ličycca projdzienaj.
Sotavy apieratar sa svajho boku, zhodna z pastanovaj urada, abaviazany ŭnosić u svaje bazy dadzienych jak źviestki ab tym, jakim dadatkam karystajecca abanient, tak i ŭnikalny kod jaho identyfikacyi.
