Tery Breźjer
U balnicy anhlijskaha horada Lester pacyjentu zamiest apieracyi na mačavym puchiry pamyłkova zrabili abrazańnie, za što jon atrymaŭ kampiensacyju ŭ 20 tys. funtaŭ (kala $24 tys.), piša bbc.com.
Letam minułaha hoda Tery Breźjer pryjechaŭ u Lesterskuju balnicu, dzie jamu pavinny byli ŭkałoć płanavuju injekcyju botaksu ŭ mačavy puchir.
Ale niešta pajšło nie tak, i paśla pracedury lekary skazali: «Vybačajcie, ale my vam zrabili abrazańnie». Balnica taksama pryniesła «ščyryja i hłybokija prabačeńni».
«Ja byŭ ahałomšany. Ja nie moh pavieryć u toje, što mnie kazali», - skazaŭ jon.
Incydent nazvali miedycynskaj pamyłkaj. Pavodle miascovaha sajta Local Democracy Reporting Service, usiaho ŭ balnicy ŭ 2018 hodzie było dapuščana vosiem pamyłak.
Paciarpieły vyrašyŭ źviarnucca ŭ sud. Breźjer raspavioŭ: «U hetym jość niešta paciešnaje, ale nie budziem zabyvać i pra surjoznaje. Z kim-niebudź mahło zdarycca i horšaje. Naprykład, amputavali b nie tuju častku cieła».
Hałoŭny lekar balnicy Endru Furłonh zajaviŭ: «My vielmi surjozna padychodzim da padobnych incydentaŭ. Było praviedziena dbajnaje rasśledavańnie, kab atrymać uroki i zrabić usio mahčymaje i kab nadalej nie dapuścić paŭtareńnia padobnaha. Choć hrošy nie zmohuć vypravić toje, što zdaryłasia, ale, my spadziajemsia, hetaja suma stanie niejkaj kampiensacyjaj».
