U kastryčniku minułaha hoda MZS Biełarusi pravioŭ pierarehistracyju ŭsich zamiežnych ŚMI ŭ krainie. U vyniku TASS była vydadziena tolki adna z troch akredytacyj, čym, pa sutnaści, dziejnaść hetaha ŚMI na terytoryi Sajuznaj dziaržavy była abmiežavanaja, zaznačaje ahienctva i padkreślivaje, što ŭsie zvaroty ŭ MZS Biełarusi zastavalisia biez adkazu. Karespandenty TASS akredytavanyja ŭ Minsku z pačatku 1990-ch hadoŭ i pracujuć u poŭnaj adpaviednaści z patrabavańniami miascovaha zakanadaŭstva, nahadvaje ahienctva.
«Sapraŭdy, u kastryčniku minułaha hoda było pryniata novaje pałažeńnie ab akredytacyi zamiežnych žurnalistaŭ, u jakim utrymlivajecca peŭnaja kolkaść, šerah navacyj, skažam tak, u tym liku my pryniali rašeńnie akredytoŭvać u Biełarusi jak praviła hramadzian tych dziaržaŭ, dzie hetyja ŚMI zarehistravanyja», — zajaviŭ kiraŭnik biełaruskaha źniešniepalityčnaha viedamstva, adkazvajučy na pytańnie karespandenta TASS.
«Naprykład, Deutsche Welle my prapanujem, kab pryjazdžaŭ pradstaŭnik Hiermanii i pracavaŭ na terytoryi Biełarusi ŭ jakaści žurnalista, akredytavanaha ad hetaha ŚMI. Čamu? Bo, budu ščyry, u papiaredni čas na praktycy było tak, što šerah ŚMI, u pieršuju čarhu Zachadu, akredytoŭvać ŭ Biełarusi ŭ jakaści svaich žurnalistaŭ apanientaŭ ułady», — rastłumačyŭ Makiej. «Zrazumieła, što ŭ hetaj situacyi heta nie było, skažam, čysta abjektyŭna žurnalisckaj padačaj infarmacyi, jak taho patrabuje ŭ maim razumieńni zakon ab žurnalistycy, a, skažam, ideałahična zaradžany. Atrymlivaŭsia ŭ vyniku ideałahična zaradžany prapahandyscki materyjał, što nie źjaŭlajecca, jak mnie zdajecca, zadačaj žurnalistyki. Tamu mienavita takoje rašeńnie i było pryniata».
«Ciapier u nas akredytavana bolš za 150 žurnalistaŭ, ź ich, nakolki mnie viadoma, pałova — heta rasijskija žurnalisty. I tut asablivych prablem ja nie baču, — praciahnuŭ ministr. — Što tyčycca infarmacyjnaha ahienctva TASS, to my akredytavali adnaho pradstaŭnika. Kali vy nakirujecie ŭ najbližejšy čas rasijskich hramadzian u Biełaruś, jany buduć akredytavanyja litaralna na praciahu karotkaha času, litaralna na praciahu niekalkich hadzin».
«Što tyčycca tych pierson, jakija vy prapanujecie, to, na žal, na naš pohlad, jany, znoŭ-taki budu ščyry, nie zusim adpaviadajuć tym kryteryjam, jakim pavinny adpaviadać žurnalisty. Tamu treba sadzicca i dumać.
I potym, u apošni čas TASS, u našym razumieńni, časam u dačynieńni da Biełarusi dapuskaje takija kidkija zahałoŭki, jakija pa svajoj emacyjnaj afarboŭcy pieraŭzychodziać navat «Radyjo Svaboda»/«Svabodnaja Jeŭropa». Treba ŭsim spynicca, padumać, zrabić vysnovy i zasiarodzicca na kanstruktyŭnym vyrašeńni pytańnia», — skazaŭ Makiej.
