Hadavy kurs preparatu, raspracavanaha kampanijaj Biogen, budzie kaštavać 56 tysiač dalaraŭ. Akramia hetaha, nieabchodna budzie rehularna rabić zdymki hałaŭnoha mozha i naviedvać doktara. Pa acenkach ekśpiertaŭ, ahułam kurs lačeńnia dla adnaho pacyjenta kaštavać kala 100 tysiač dalaraŭ štohod, piša The Wall Street Journal.
Analityki padličyli, što hadavy prodaž navatarskich lekaŭ pieravysić 5 miljardaŭ dalaraŭ, a niekatoryja ekśpierty ŭ śfiery achovy zdaroŭja pierakananyja, što hetaja ličba budzie ŭ niekalki razoŭ vyšejšaj.
U bolšaści vypadkaŭ kurs lekaŭ budzie apłačvacca za košt Medicare — nacyjanalnaj prahramy miedycynskaj strachoŭki ŭ ZŠA. Prahrama pakryvaje lačeńnie ludziej, starejšych za 65 hod, i achoplivaje bolšaść z 6 miljonaŭ amierykancaŭ, jakija pakutujuć ad chvaroby Alchiejmiera. Kab paźbiehnuć finansavaha ŭdaru ad novych lekaŭ, Medicare pryjdziecca abmiežavać dostup da aduchielmu.
Da taho ž, sama kampanija Biogen zajaviła pra namier na hetym etapie abmiežavać kolkaść pacyjentaŭ tymi, chto maje rańniuju stadyju chvaroby Alchiejmiera ź lohkimi simptomami.
«Ja nie ŭjaŭlaju, jak my zmožam dapamahčy ŭsim pacyjentam, jakija chočuć prajści kurs lekaŭ», — adznačaje Ryčar Ajzeksan, dyrektar kliniki pa prafiłaktycy chvaroby Alchiejmiera ŭ Ńju-Jorku. Pa słovach doktara, pieršyja tydni paśla ŭchvaleńnia aduchielmu byli samym napružanymi ŭ jaho prafiesijnaj karjery. Kala 200 pacyjentaŭ patelefanavali ci dasłali elektronny list ŭ kliniku, kab zapytacca pra pryjom novych lekaŭ.
Uchvaleńnie preparatu vyklikała sprečki ŭ miedycynskaj supolnaści ZŠA. Niekatoryja ekśpierty pierakananyja, što nieabchodna pravieści dadatkovyja daśledavańni, kab dakazać efiektyŭnaść lekaŭ. Bolš za toje, pryniaćcia preparatu pavyšaje ryzyku insultu. I, tym nie mienš, ludzi, jakich kranaje raniej nievylečnaja chvaroba i ich svajaki, chapajucca za hetuju nadzieju jak za sałominku.
