Pieršy vypadak zdaryŭsia 28 studzienia, paviedamlaje Hienprakuratura.
Troje hłuchaniamych mužčyn na adnoj z AZS (27 i 30 hadoŭ) vykrali inšaha mužčynu z parušeńniem słychu. Jaho advieźli ŭ haraž u Minsku, dzie patrabavali addać im hrošy, pahražali hvałtam, potym prymusili jaho handlavać suvienirami, a častku vyručki zabirali sabie. Dla zastrašvańnia mužčynu źbili.
Nastupny vypadak adbyŭsia ŭ noč na 31 studzienia. Jany pieraśledavali aŭtamabil taksi, u jakim jechaŭ mužčyna z parušeńniem słychu. Paśla spynieńnia mašyny na vulicy Masiukoŭščyna jany z prymianieńniem hvałtu zašturchali jaho ŭ sałon svajho aŭtamabila. Pieravieźli jaho ŭ toj ža haraž, dzie trymali ŭ padvale, źbivali i patrabavali hrošy. Ahledzieli kišeni, zabrali rečy, u tym liku i mabilny telefon. Hetaha mužčynu jany taksama prymusili pradavać suvieniry.
U dačynieńni da mužčyny była ŭzbudžanaja kryminalnaja sprava pa artykułach «Vykradańnie čałavieka», «Razboj» i «Vymahalnictva». Mužčynam pahražaje da 15 hadoŭ pazbaŭleńnia voli.
Dvoje minčan znachodziacca pad vartaj. Jašče adzin udzielnik hrupy — u vyšuku. Sprava nakiravana ŭ sud.
