Na praciahu sutak da stychijnaha łahiera prybyli niekalki nievialikich hrup, ahułam kala 200 čałaviek.
U cełym situacyja zastajecca napružanaj, kanstatujuć u DPK.
«Umovy nadvorja, niedachop ježy i vady stvarajuć pahrozu fizičnamu stanu ludziej, jakija šukajuć abarony ŭ krainach ES. Za minułyja sutki niepasredna ŭ łahiery biežancaŭ akazana miedycynskaja dapamoha dvum žančynam z-za pieraachaładžeńnia i traŭmy hałavy. Taksama ŭnačy miedyki pamiežnaj słužby dapamahli dziciaci, u jakoha byli vyjaŭlenyja prykmiety pieraachaładžeńnia. Raspaŭsiudžanaja infarmacyja ab vypadku hibieli siarod biežancaŭ nie adpaviadaje rečaisnaści», — adznačajecca ŭ paviedamleńni.
Situacyja na biełaruska-polskaj miažy ŭ rajonie pierachodaŭ Bruzhi/Kuźnica abvastryłasia z ranicy 8 listapada, kali niekalki sotniaŭ mihrantaŭ prajšli maršam kala polskaj miažy i raźmiaścilisia ŭ lesie, raźbiŭšy tam łahier. U noč na sieradu byli ździejśnienyja dźvie sproby praryvu miažy, ale polskija pamiežniki vycisnuli mihrantaŭ nazad.
