«My zachaplajemsia vami, darahija ŭkraincy i spadar prezident. Vašyja dziejańni — heta ŭzor adzinstva kiraŭnictva dziaržavy i ŭsioj nacyi. My ž, biełarusy — suprać režymu, jaki ŭžo zdaŭ častku suvierenitetu našaj krainy, kab stać častkaj ahresii da vašaj krainy.
U atmaśfiery strachu dziasiatki tysiač biełarusaŭ vyjšli na vulicy z pratestam paśla tatalnaj začystki hramadzianskaj supolnaści, niezaležnych miedyja. 900 čałaviek było zatrymana za dva dni. Usie jany razumieli, na što iduć.
U Biełarusi pačaŭsia Antyvajenny Ruch.
• Ludzi ŭnutry krainy vyvodziać sa stroju šlachi padychodu vajennaj techniki.
• Biełarusy zamiežža źbirajucca da vas na front, dapamahajuć biežancam i zajmajucca pastaŭkami ekipiroŭki i miedykamientaŭ.
• Biełarusy Ukrainy iduć u vałanciory, dapamahajuć terytaryjalnaj abaronie.
• Biełaruskija maci pierakonvajuć vajskoŭcaŭ nie iści na vajnu — i ŭ ich pačynaje atrymlivacca.
• Biełarusy farmujuć nacyjanalny korpus z dobraachvotnikaŭ i vajskoŭcaŭ, jakija admovilisia vykonvać złačynnyja zahady Łukašenki. Takich biełarusaŭ usio bolš, i jany — vašyja sajuźniki. Ciapier i nazaŭsiody».