Ab pierachodzie Chiersonskaj vobłaści na vykarystańnie rasijskaha rubla z 1 maja raspavioŭ samaabvieščany namieśnik staršyni vajskova-hramadzianskaj administracyi rehijonu Kirył Stramavusaŭ. Jon udakładniŭ, što pierachod adbudziecca litaralna praź niekalki dzion.
— Z 1 maja my pierachodzim u rublovuju zonu, — zajaviŭ Stramavusaŭ.
Pry hetym, pavodle jaho słoŭ, u pieršyja čatyry miesiacy buduć dziejničać umovy pierachodnaha pieryjadu.
Taksama jon zajaviŭ, što viartańnie ŭ «nacyskuju Ukrainu» niemahčymaje.
«Pytańnie viartańnia Chiersonskaj vobłaści nazad u nacysckuju Ukrainu vyklučanaje. Heta niemahčyma. Chiersonskaja vobłaść budzie ekanamična raźvivacca. Kijeŭ bolš nie zmoža naviazvać našamu kraju svaju pačvarnuju nacysckuju palityku, nakiravanuju na źniščeńnie ludziej i ich samabytnaści».
Pavodle jaho słoŭ, ciapier hałoŭnaja zadača — adnaŭleńnie ekanomiki rehijona, «refierendumaŭ nijakich nie płanujecca».
Cikava, što kałabaracyjanist Stramavusaŭ udzielničaŭ u vybarach na pasadu mera Chiersona, ale nabraŭ usiaho 1,76% hałasoŭ. Pa infarmacyi ŭkrainskaha partała Chesno.org, u 2020 hodzie Stramavusava padazravali ŭ pracy na rasijskija śpiecsłužby, ale abvinavačvańnia tak i nie vystavili.
