Ahułam vydatki na orhany ŭnutranych spraŭ u 2022 hodzie pavinny pavialičycca na 11,6 młn rubloŭ (blizu 3,43 młn dalaraŭ).
Ź ich na apłatu pracy praduhledžanaje pavieličeńnie na 3,7 młn rubloŭ (blizu 1,09 młn dalaraŭ), arhanizacyi i pabudovy sistemy abarony infarmacyi — na 4 młn rubloŭ (kala 1,18 młn dalaraŭ), na zakupku rečavaj majomaści — na 1,9 młn rubloŭ (kala 560 tysiač dalaraŭ), apłatu transpartnych pasłuh — na 2 młn rubloŭ (kala 590 tysiač dalaraŭ).
Adznačajecca, što hetyja vydatki pavinny pavialičyć «za košt adpaviednaha źmianšeńnia vydatkaŭ, praduhledžanych Ministerstvu ŭnutranych spraŭ na inšyja ahulnadziaržaŭnyja pytańni dla vyrabu dakumientaŭ, jakija zaśviedčvajuć asobu».
U biudžecie na 2022 hod na orhany ŭnutranych spraŭ było vydzielena 1,153 młrd rubloŭ (kala 341,5 młn dalaraŭ), a ŭsiaho na patreby «sudovaj ułady, pravaachoŭnaj dziejnaści i zabieśpiačeńnie biaśpieki» — 3,144 młn rubloŭ (kala 930 młn dalaraŭ).
Dla paraŭnańnia, na adukacyju ŭ biudžecie zakładziena 1,462 młrd rubloŭ (prykładna 433 młn dalaraŭ), a na ŭsiu śfieru achovy zdaroŭja — 1,876 młrd rubloŭ (blizu 555 młn dalaraŭ).
