Fota: RBK—Ukraina
U vyniku rakietnaha abstrełu Kijeva ŭ niadzielu paciarpieli piać čałaviek. Heta ŭžo druhi z pačatku vajny abstreł žyllovaha kompleksu ŭ hetym rajonie. Adznačajecca, što samaloty, jakija bambili Kijeŭ, prylacieli z boku Astrachani, akvatoryi Kaśpijskaha mora.
Razam z tym telehram-kanał «Biełaruski Hajun» paviedamiŭ, što siońnia z terytoryi Biełarusi byli zafiksavanyja niekalki rakietnych atak.
Paviedamlajecca, što mahčyma, pamiž Lelčycami i Jelskam adbyŭsia zapusk rakiety, taksama adbyŭsia zapusk dźviuch rakiet na poŭdzień ad Salihorska i ŭ Mazyrskim rajonie.
Taksama niekalki samalotaŭ lacieli ź biełaruskich aeradromaŭ u bok Ukrainy.
Nahadajem, što ŭčora ŭpieršyniu z terytoryi Biełarusi byli naniesienyja avijaŭdary pa Ukrainie (dahetul fiksavalisia puski rakiet).
Šeść samalotaŭ padnialisia z avijabazy ŭ Kałužskaj vobłaści, praśledavali sa Smalenskaj vobłaści Rasii ŭ pavietranuju prastoru Biełarusi i vypuścili 12 kryłatych rakiet Ch-22 pa celach u Kijeŭskaj, Čarnihaŭskaj i Sumskaj abłaściach Ukrainy. Hałoŭnaje ŭpraŭleńnie raźviedki Ukrainy ličyć, što puski byli ździejśnienyja z-nad Pietrykava.