Maciešyc pačynaŭ svaju pradprymalnickuju karjeru ŭ roznych jeŭrapiejskich kampanijach, ale pośpiech jamu prynios vychad na rynak enierhietyka Red Bull, jaki jon pačaŭ pradavać sumiesna z partnioram z Tajłanda.
Napoj na asnovie kafieinu i taŭrynu pieršapačatkova byŭ zadumany jak dapamoha dla kiroŭcaŭ-dalnabojščykaŭ i pradstaŭnikoŭ inšych prafiesij, jakija patrabujuć badzioraści i kancentracyi ŭvahi, ale chutka zavajavaŭ papularnaść i ŭ bolš šyrokich kołach spažyŭcoŭ. U 2021 hodzie ŭ śviecie było pradadziena kala 10 młrd blašanak Red Bull u 172 krainach.
Dzitrych Maciešyc mieŭ taksama luboŭ da ekstremalnych vidaŭ sportu, asabliva techničnych. Jon staŭ hałoŭnym inviestaram aŭtahonačnaj kamandy «Formuły-1» Red Bull, vałodaŭ trasaj dla hetaha vidu sportu Red Bull Ring u Aŭstryi.
Inviestavaŭ taksama ŭ futboł, motahonki, aeradajvinh i snoŭbordynh. Jon vałodaŭ niekalkimi futbolnymi kłubami ŭ roznych krainach, u pryvatnaści, aŭstryjskim «Red Buł Zalcburh», amierykanskim «Ńju-Jork Red Bułz» i niamieckim «Red Buł Lejpcyh».
Presa pieryjadyčna krytykavała Maciešyca za padtrymku vidaŭ sportu, źviazanych z vysokaj ryzykaj dla ŭdzielnikaŭ.