Na rekłamnych ekranach u troch rasijskich haradach źjavilisia antyvajennyja vykazvańni
Na rekłamnych ekranach u troch rasijskich haradach 15 chvilin demanstravali cytatu maci mabilizavanaha. Jak paviedamili vydańniu «Podjom», adbyŭsia ŭzłom sistemy.
«Pavodle najaŭnaj u nas infarmacyi ŭ troch haradach — Uljanaŭsk, Jekaciarynburh i Rastoŭ adnačasova byŭ ažyćcioŭleny ŭzłom sistemy i raźmieščanaja padobnaja infarmacyja. Praz 15 chvilin paśla raźmiaščeńnia hetaj infarmacyi, ekrany byli adklučanyja. Chto staić za hetym — pytańnie da pravaachoŭnych orhanaŭ. Municypalitet rasśledavańnia nie pravodzić», — zajavili ŭ administracyi Jekaciarynburha.