Dopyt Uładzimira Niaklajeva ŭ KDB 30 sakavika doŭžyŭsia piać hadzin, z 14 da 19, paviedamiła BiełaPAN jaho žonka Volha.
«Jon viarnuŭsia dadomu stomleny», — skazała žonka kandydata ŭ prezidenty na
na 31 sakavika pryznačany jašče adzin dopyt Niaklajeva.
Ciapier paet i palityk znachodzicca pad chatnim aryštam. Z 20 śniežnia pa 29 studzienia jon utrymlivaŭsia ŭ SIZA KDB.
30 sakavika śledčaje ŭpraŭleńnie papiaredniaha rasśledavańnia HUUS Minharvykankama vystaviła Uładzimiru Niaklajevu, Alaksandru Fiadutu, Siarhieju Vaźniaku, Andreju Dźmitryjevu, Vitalu Rymašeŭskamu i Anastasii Pałažancy novaje abvinavačańnie — pa art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Maksimalnaja sankcyja hetaha artykuła — try hady pazbaŭleńnia voli, u toj čas jak raniej im pahražała turemnaje źniavoleńnie na termin da 15 hadoŭ pa art. 293 (arhanizacyja i ŭdzieł u masavych biesparadkach).