Namieśnik ministra finansaŭ RF Dźmitryj Pankin zajaviŭ ab adsutnaści ŭzhodnienych terminaŭ pradastaŭleńnia Biełarusi stabkredytu na $ 1 młrd.
«My nijakich takich abiacańniaŭ [pa terminach] nie davali», — skazaŭ D. Pankin ahienctvu «Interfaks». Umovy pradastaŭleńnia kredytu boku pakul «faktyčna» nie abmiarkoŭvali, dadaŭ jon.
«U nas kryter adzin — damovicca pa makraekanamičnych mierach, heta možna zrabić i za tydzień, a možna i ŭsio žyćcio nie damaŭlacca», — rastłumačyŭ namieśnik ministra. Pa jaho słovach, «nam treba zrazumieć, što jany źbirajucca ŭ siabie rabić z valutnym kursam, ź biudžetnymi vydatkami, stymulavańniem ŭnutranaj ekanomiki».
Pry hetym jon nie zmoh skazać, ci pastupili ŭ Minfin Rasii prapanovy Biełarusi adnosna makraekanamičnych mieraŭ.
Jak paviedamlałasia, zhodna ź nieaficyjnymi źviestkami, urad Biełarusi 31 sakavika ŭviečary pieradaŭ u Minfin RF prajekt prahramy mieraŭ pa stabilizacyi makraekanamičnaj situacyi, uzhadnieńnie jakich z uradam RF źjaŭlajecca umovaj dla pradastaŭleńnia rasijskaha dziaržkredytu na $ 1 młrd.
